Post News Media ព័ត៌មានជាតិ សមត្ថកិច្ចឃាត...

សមត្ថកិច្ចឃាត់ខ្លួនយុវជន៣នាក់ ដកហូតថ្នាំញៀនបាន៦កញ្ចប់

ចែកចាយបន្ត

ពោធិ៍សាត់: ជនសង្ស័យ៣នាក់ ត្រូវបានសមត្ថកិច្ចឃាត់ខ្លួនពាក់ពន្ធ័នឹងករណីជួញដូរគ្រឿងញៀនដោយខុសច្បាប់។ ការចុះបង្រ្កាបនេះបានធ្វើឡើងកាលពីវេលាម៉ោង២និង៥០នាទីរសៀល ថ្ងៃទី២១ ខែមីនា ឆ្នាំ២០១៧ នៅត្រង់ចំណុចទួលវែង ស្ថិតនៅភូមិព្រៃឪម៉ាល់ សង្កាត់រលាប ក្រុងពោធិ៍សាត់ ខេត្តពោធិ៍សាត់។

លោកអធិការក្រុងពោធិ៍សាត់ យឹម ស៊ាងហៃ បានប្រាប់Post Newsថា កម្លាំងរបស់លោកនឹងកម្លាំងប៉ុស្តិ៍រលាប បានសហការជាមួយកម្លាំងរាជអាវុធហត្ថក្រុង ក្នុងការចុះបង្រ្កាបករណីជួញដូរគ្រឿងញៀននេះ ឃាត់ខ្លួនបានជនសង្ស័យ៣នាក់ ទី១មានឈ្មោះ ជា ដា ភេទប្រុស អាយុ១៨ឆ្នាំ រស់នៅភូមិសង្កាត់ខាងលើ,ទី២ឈ្មោះ រុំ ពន្លក ភេទប្រុស អាយុ២១ឆ្នាំ រស់នៅខេត្តបន្ទាយមានជ័យ និងជនសង្ស័យទី៣ឈ្មោះ ហង្ស សីហា ភេទប្រុស អាយុ២៣ឆ្នាំ រស់នៅភូមិទួលត្បែង ឃុំឈើតុំ ស្រុកក្រគរ ខេត្តពោធិ៍សាត់។ ក្នុងនោះដកហូតបាន ម្សៅក្រាម ពណ៏ស ជាសារធាតុញៀនចំនួន៦កញ្ចប់តូច, រថយន្តម៉ាក់NIZAN RAVARA ពណ៌កណ្តុរប្រមេះ ពាក់ស្លាកលេខភ្នំពេញ 2Z- 2770 និងសម្ភារ:សម្រាប់ជក់នៅសារធាតុញៀនមួយចំនួនទៀងផងដែរ។

បច្ចុប្បន្ន ជនសង្ស័យរួមទាំងវត្តុតាង ត្រូវបានសមត្ថកិច្ចឃុំខ្លួនជាបណ្តោះអាសន្ន ដើម្បីធ្វើការសាកសួរ និងកសាងសំណុំរឿង នៅអធិការដ្ឋាននគរបាលក្រុងពោធិ៍សាត់ បញ្ជូនទៅកាន់តុលាការចាត់ការតាមនីតិវិធីច្បាប់៕

ចែកចាយបន្ត