Post News Media ព័ត៌មានបច្ចេកវិទ្យា Apple ចេញ iPa...

Apple ចេញ iPad Mini 4 ថ្មី តម្លៃពិសេស ព្រមជាមួយ iPhone 7 ពណ៌ក្រហម

ចែកចាយបន្ត

ក្រុមហ៊ុន Apple នៅថ្ងៃម្សិលមិញនេះ បានប្រកាសចេញនូវ iPad Mini 4 ថ្មី ត្រូវបានបន្ថែមទំហំផ្ទុកទិន្នន័យកាន់តែធំ តែរក្សាតម្លៃនៅដដែល ព្រមជាមួយទូរសព្ទដៃ iPhone 7 និង 7 Plus ថ្មី រចនាជាមួយសម្បកអាលុយមីញូ៉មពណ៌ក្រហម។​

ក្នុងនោះ iPad mini 4 ថ្មីទំហំ ១២៨ ជីហ្គាបៃយ៍ នឹងត្រូវលក់ចេញក្នុងតម្លៃ ៣៩៩ ដុល្លារ សម្រាប់ម៉ូឌែលប្រើ Wi-Fi និង ៥២៩ ដុល្លារ សម្រាប់ម៉ូឌែលប្រើស៊ីមកាត ដែលនេះ គឺស្មើនឹងតម្លៃរបស់វាពីមុនដែលមានទំហំផ្ទុកទិន្នន័យ ៣២ ជីហ្គាបៃយ៍។ ជាមួយគ្នានោះដែរ ក្រុមហ៊ុនក៏បានណែនាំ iPad អេក្រង់ ៩.៧ អ៊ីញតម្លៃទាបថ្មី និងប្រកាសលក់បញ្ចុះតម្លៃសម្រាប់ iPad mini 2 ផងដែរ។

ចំពោះ iPad mini 4 ទំហំ ១២៨ ជីហ្គាបៃយ៍តម្លៃពិសេសនេះ អាចកម្មង់ទិញតាមអនឡាញបានតាមគេហទំព័រ www.apple.com ជាមួយជម្រើសពណ៌ ទឹកប្រាក់ មាស និងប្រផេះ៕

ប្រភពព័ត៌មាន: macrumors

ចែកចាយបន្ត