Post News Media ព័ត៌មានជាតិ រន្ធត់! ហ៊ីយ៉...

រន្ធត់! ហ៊ីយ៉ាន់ដាយដឹកទំនិញបុកតាកូម៉ាវិលជាច្រើនជុំធ្លាក់ចូលប្រឡាយទឹកស្អុយ បុរសម្នាក់របួសធ្ងន់

ចែកចាយបន្ត

ភ្នំពេញ: បុរសម្នាក់ រងរបួសធ្ងន់ត្រូវបានរថយន្តសង្គ្រោះដឹកទៅមន្ទីរពេទ្យ បន្ទាប់ពីជួបគ្រោះថ្នាក់ចរាចរណ៍ បើករថយន្តតាកូម៉ា ហើយត្រូវរថយន្តហ៊ីយ៉ាន់ដាយ ដឹកទំនិញយ៉ាងសំពីងសំពោង បុកបណ្តាលឲ្យវិលជាច្រើនជុំ ធ្លាក់ចូលក្នុងប្រឡាយទឹកស្អុយ កៀបម្ចាស់រថយន្តជាប់។

ហេតុការណ៍គ្រោះថ្នាក់នេះកើតឡើងកាលពីវេលាម៉ោង៩និង៣០នាទីយប់ ថ្ងៃទី២៧ ខែមីនា ឆ្នាំ២០១៧ នៅចំណុចមុខតំបន់សេដ្ឋកិច្ចពិសេសភ្នំពេញ តាមបណ្តោយផ្លូវជាតិលេខ៤ សង្កាត់កំបូល ខណ្ឌពោធិ៍សែនជ័យ រាជធានីភ្នំពេញ។

តាមប្រភពពីកន្លែងកើតហេតុ បានឲ្យដឹងថា មុនដំបូងគេឃើញរថយន្តហ៊ីយ៉ាន់ដាយ ដឹកទំនិញ ក្បាលពណ៌ស ពាក់ស្លាកលេខ ភ្នំពេញ 3C-4531 បើកបរដោយបុរសម្នាក់ តាមបណ្តោយផ្លូវជាតិលេខ៤ ក្នុងល្បឿនលឿនទិសដៅពីកើតទៅលិច ខណ:មកដល់ចំណុចកើតហេតុ ស្រាប់តែជ្រុលទៅបុករថយន្តមួយគ្រឿងទៀត ម៉ាកតូយ៉ូតា តាកូម៉ា ពណ៌ទឹកប្រាក់ ពាក់ស្លាកលេខ ភ្នំពេញ 2F-4841 បើកបរដោយបុរសម្នាក់ទិសដៅបញ្ច្រាសទិសគ្នា បណ្តាលឲ្យរថយន្តតាកូម៉ា វិលជាច្រើនជុំទៅខាងជើងផ្លូវ ធ្លាក់ប្រឡាយ អ្នកបើករថយន្តតាកូម៉ារងរបួសធ្ងន់ធ្ងរ ត្រូវប្រជាពលរដ្ឋជួយយកចេញមកក្រៅ ហៅរថយន្តសាមុយដឹកទៅសង្គ្រោះបន្ទាន់។

ក្រោយកើតហេតុសមត្ថកិច្ចជំនាញចរាចរណ៍ខណ្ឌបានចុះទៅធ្វើកំណត់រួចប្រគល់ទៅឲ្យចរាចរណ៍ជើងគោក នៃស្នងការដ្ឋាននគរបាលរាជធានី ធ្វើការវាស់វែង ដើម្បីរង់ចាំការដោះស្រាយនៅពេលក្រោយ តាមផ្លូវច្បាប់៕

ចែកចាយបន្ត