Post News Media ព័ត៌មានជាតិ ឃាត់ខ្លួនយុវជ...

ឃាត់ខ្លួនយុវជន២នាក់ បន្ទាប់ពីធ្វើសកម្មភាពឆក់ការបូបពីនារីម្នាក់បានសម្រេច

ចែកចាយបន្ត

ភ្នំពេញ: ជនសង្ស័យ២នាក់ ជាអ្នកបិទគូទ ត្រូវកម្លាំងព្រហ្មទណ្ឌ៧មករាឃាត់ខ្លួន បន្ទាប់ពីធ្វើសកម្មភាពឆក់ការបូបពីនារីម្នាក់បានសម្រេច ចំណែកបក្សពួកផ្សេងទៀតបានជិះម៉ូតូគេចខ្លួនបាត់ស្រមោល។

ហេតុការណ៍ខាងលើនេះបានបង្កការភា្ញក់ផ្អើលកាលពីវេលាម៉ោង៩និង៣០នាទី ថ្ងៃ២៥ ខែមេសា ឆ្នាំ២០១៧ នៅចំណុចផ្លូវសហព័ន្ធរស្ស៊ី សង្កាត់មិត្តភាព ខណ្ឌ៧មករា រាជធានីភ្នំពេញ។

សមត្ថកិច្ចបានឲ្យដឹងថា ជនសង្ស័យទី១មានឈ្មោះ ស្មាន រតនា ភេទប្រុស អាយុ២២ឆ្នាំ មុខរបរសិស្ស ស្នាក់នៅម្ដុំឬស្សីកែវ និងទី២មានឈ្មោះ លី ហុកសេង ភេទប្រុស អាយុ២០ឆ្នាំ មុខរបរសិស្ស ស្នាក់នៅម្ដុំទឹកថ្លា ខណ្ឌសែនសុខ។ ចំណែកជនរងគ្រោះ មានឈ្មោះ អ៊ុន សុផល ភេទប្រុស អាយុ ២៧ឆ្នាំ មុខរបរកម្មការនីរោច្រក ស្នាក់នៅម្ដុំទឹកថ្លា ខណ្ឌសែនសុខ។

តាមប្រភពពត័មានពីកើតហេតុបានឲ្យដឹងថា មុនពេលកើតហេតុ គេឃើញជនរងគ្រោះជិះម៉ូតូស្តុបពី១គ្រឿង ពណ៌ស ពាក់ស្លាក់លេខ1BZ-2912ម្នាក់ឯងដោយទុកការបូបនៅនឹងមុខជាមួយនឹងមិត្តភក្តិ២នាក់ទៀត តែជិះផ្សេងគ្នាទើបតែចេញមកពីធ្វើការហើយបានជិះតាមបណ្ដោយផ្លូវ សហព័ន្ធរុស្ស៊ី ទៅដើរលេងនៅកោះពេជ្រតែមិនទាន់បានទៅដល់ផងក៏ស្រាប់តែលិចមុខ ជនសង្ស័យ២នាក់ជិះម៉ូតូម៉ាកហុងដាសេ១២៥ មិនចាំស្លាក់លេខ នឹងបក្សពួក៨នាក់ទៀតជិះម៉ូតូ៤គ្រឿងជាអ្នកបិតគូទក៏បាន មកធ្វើសកម្មភាពឆក់ការបូបពីរងគ្រោះ ភ្លាមៗនោះជនរងគ្រោះក៏ស្រែកចោរៗក៏ត្រូវ សមត្ថកិច្ចខណ្ឌ៧មករាកំពុងល្បាតក៏បានដេញតាម ពីក្រោយ ម៉ូតូ ជនសង្ស័យក៏ ហើយក៏បានចាប់ ជនសង្ស័យ ២នាក់ខាងលើដែលជិះម៉ូតូ១គ្រឿងម៉ាកឡែត ពណ៍ខ្មៅ ពាក់ស្លាក់លេខ1BZ-3648បានភ្លាមៗតែមង្ដ ។ ចំណែកជនសង្ស័យ ដែលជាអ្នកធ្វើសកម្មភាពឆក់ការបូបពីនារីរងគ្រោះខាងលើនោះបានយកទៅបាត់ហើយជិះម៉ូតូ ជិះ រត់គេច ខ្លួននឹងបក្សពួកផ្សេងទៀត ។

ក្រោយពេលកើតហេតុជនសង្ស័យខាងលើ ត្រូវបានសមត្ថកិច្ចនាំទៅកាន់ប៉ុស្តិ៍នគរបាលរដ្ឋបាលមិត្តភាពធ្វើការ សាកសួរ និងកសាងសំណុំរឿងបញ្ជូនទៅអធិការដ្ឋាន នគរបាលខណ្ឌ៧មករា ដើម្បីចាត់ការបន្តតាមនិតិវិធីច្បាប់ ៕

ចែកចាយបន្ត