Post News Media ព័ត៌មានជាតិ ទីតាំងហ្គេមបា...

ទីតាំងហ្គេមបាញ់ត្រីមួយកន្លែង ត្រូវបានអាជ្ញាធរចុះបង្ក្រាប!

ចែកចាយបន្ត

ភ្នំពេញ: ទីតាំងហ្គេមបាញ់ត្រីមួយកន្លែងដែលកំពុងពង្វក់ស្មារតីសិស្សសាលា និងយុវជនមួយចំនួនឲ្យភ្លេចការសិក្សា និងបំផ្លាញទ្រព្យសម្បត្តិម្តាយឪពុកនោះ ពេលនេះ ត្រូវបានកម្លាំងអាជ្ញាធរខណ្ឌទួលគោក ដឹកនាំកម្លាំង និងបញ្ជារផ្ទាល់ពីលោក ឯក ឃុនដឿន អភិបាលនៃគណ:អភិបាលខណ្ឌទួលគោក និងលោក ទៀវ សំអឿន អភិបាលរងខណ្ឌទួលគោក ចុះធ្វើការបង្ក្រាបកាលពីថ្ងៃទី២៥ ខែមេសា ឆ្នាំ២០១៧ ស្ថិតនៅចំណុចផ្ទះលេខ១២ ផ្លូវ២២៦ ភូមិ៨ សង្កាត់ផ្សារដើមគរ ខណ្ឌទួលគោក រាជធានីភ្នំពេញ។

ក្នុងការបង្ក្រាបនេះដែរ កម្លាំងបានរកឃើញទូរហ្គេមបាញ់ត្រីចំនួន២ទូ ហើយចំពោះទីតាំងខាងលើ ត្រូវបានអាជ្ញាធរមានវិធានការធ្វើកំណត់ហេតុ បិទទីតាំងនោះ និងកសាងសំណុំរឿងចាត់ការបន្តតាមនីតិវិធីនៃច្បាប់៕