Post News Media ព័ត៌មានជាតិ រថយន្តដឹកកម្ម...

រថយន្តដឹកកម្មករមួយគ្រឿងក្រឡាប់ធ្លាក់ផ្លូវ បណ្តាលឲ្យមនុស្សជាង១០នាក់រងរបួសកាលពីព្រឹកមិញ!

ចែកចាយបន្ត

កំពង់ស្ពឺ: លោក តាប់ លន ស្នងការរងផែនសណ្តាប់ធ្នាប់ នៃស្នងការដ្ឋាននគរបាលខេត្តកំពង់ស្ពឺ បានប្រាប់Post News ថា មានករណីគ្រោះថ្នាក់ចរាចរណ៍ក្រឡាប់រថយន្តដឹកកម្មកររោងចក្រ បណ្តាលឲ្យមនុស្សជាង១០នាក់រងរបួស ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ។

ហេតុការណ៍នេះបានកើតឡើងកាលពីវេលាម៉ោង ៦និង១០នាទី ព្រឹកថ្ងៃទី២៨ ខែមេសា ឆ្នាំ២០១៧ ស្ថិតនៅចំណុចផ្លូវលេខ៥១ ចន្លោះគីឡូម៉ែត្រលេខ៤-៥ ត្រង់ចំណុចភូមិអង្គតាឡឹក ឃុំសំបូរ ស្រុកសំរោងទង ខេត្តកំពង់ស្ពឺ។

លោកស្នងការរង បានបន្តថា រថយន្តដែលជួបគ្រោះថ្នាក់ចរាចរណ៍ខាងលើនេះ ជាប្រភេទរថយន្តម៉ាក ហ៊ីយ៉ាន់ដាយ (កូរ៉េ) ពណ៌ស គ្មានស្លាកលេខ អ្នកបើកបរឈ្មោះ សុត ពិសី ភេទប្រុស អាយុ៣១ឆ្នាំ ស្នាក់នៅភូមិទឹកឬស្សី ឃុំមានជ័យ ស្រុកឧដុង្គ ខេត្តកំពង់ស្ពឺ បើកបរក្នុងទិសដៅពីជើងទៅត្បូង លុះមកដល់ចំណុចខាងលើ បានរេចង្កូតក្រឡាប់តែម្តង។

ក្នុងនោះរថយន្តខាងលើនេះ បានដឹកកម្មកររោងចក្រសរុប៤៥នាក់ ក្នុងនោះមានស្រីចំនួន៤៣នាក់ បណ្តាលឲ្យមនុស្សចំនួន១២នាក់រងរបួស ក្នុងនោះមានស្រី១១នាក់ ប្រុសម្នាក់ និងរបួសធ្ងន់២នាក់ ស្រីម្នាក់រួមមានទី១ឈ្មោះ ឡាំ អីម ភេទស្រី អាយុ២០ឆ្នាំ (របួសស្រាល)។ ទី២ឈ្មោះ ឡាយ ស៊្រុន ភេទស្រី អាយុ២៥ឆ្នាំ (របួសស្រាល) ។ ទី៣ឈ្មោះ ឡាំ សាអែម ភេទស្រី អាយុ៣១ឆ្នាំ អ្នកទាំងបីរស់នៅភូមិថ្មី ឃុំចាន់តាសែន ស្រុកឧដុង្គ ខេត្តកំពង់ស្ពឺ។ ទី៤ឈ្មោះ រើន ម៉ាន ភេទស្រី អាយុ៣០ឆ្នាំ (របួសស្រាល)។ ទី៥ឈ្មោះ លី លីម ភេទស្រី អាយុ៣៤ឆ្នាំ (របួសស្រាល)។ ទី៦ឈ្មោះ នៅ សៀម ភេទស្រី អាយុ៣៤ឆ្នាំ (របួសស្រាល) អ្នកទាំង៣ រស់នៅភូមិព្រៃជង្រុក ឃុំមានជ័យ ស្រុកឧដុង្គ ខេត្តកំពង់ស្ពឺ។ ទី៧ឈ្មោះ ខុន ពិដោ ភេទស្រី អាយុ២៧ឆ្នាំ (របួសស្រាល) នៅភូមិទឹកឬស្សី ឃុំមានជ័យ ស្រុកឧដុង្គ ខេត្តកំពង់ស្ពឺ។ ទី៨ឈ្មោះ សុខ លី ភេទស្រី អាយុ២០ឆ្នាំ (របួសស្រាល) នៅភូមិស្តុកតោ ឃុំចាន់តាសែន ស្រុកឧដុង្គ ខេត្តកំពង់ស្ពឺ។ ទី៩ឈ្មោះ ទីន ឌីណា ភេទស្រី អាយុ២៧ឆ្នាំ (របួសស្រាល)។ ទី១០ឈ្មោះ នុត ភាស់ ភេទស្រី អាយុ៤០ឆ្នាំ (របួសស្រាល) ទី១១ឈ្មោះ រុន កំសាន ភេទស្រី អាយុ២៣ឆ្នាំ (របួសធ្ងន់) និងទី១២ឈ្មោះ រុំ ដារ៉ូ ភេទប្រុស អាយុ១៩ឆ្នាំ (របួសធ្ងន់) អ្នកទាំង៤រស់នៅភូមិស្តុក ឃុំមានជ័យ ស្រុកឧដុង្គ ខេត្តកំពង់ស្ពឺ និងរថយន្តខូចខាតកម្រិតស្រាល អ្នករបួសបានបញ្ជូនទៅពេទ្យសម្ភពថ្នល់ទទឹង។

ចំណែកអ្នកបើកបររថយន្តបានចុះរត់គេចខ្លួនបាត់ ចំពោះវត្ថុតាងរថយន្តរក្សាទុកនៅ អធិការដ្ឋាននគរបាលស្រុកសំរោងទងផងដែរ៕

ចែកចាយបន្ត