Post News Media ព័ត៌មានជាតិ ឃាត់ខ្លួនប្រម...

ឃាត់ខ្លួនប្រមាត់ប្រម៉ង់ជនជាតិវៀតណាម ចាប់ក្មេងស្រីយកទៅលក់នៅកោះធំ!

ចែកចាយបន្ត

កណ្ដាល: ភ្នាក់ងារPost News បានរាយការណ៍មកថា មាន ស្ត្រីជនជាតិវៀតណាមម្នាក់ ត្រូវបាននគរបាលស្រុកកោះធំ ចាប់ខ្លួន កាលពីថ្ងៃទី២៧ ខែមេសា ឆ្នាំ២០១៧ បន្ទាប់ពីបានចាប់ក្មេងស្រី អាយុ៣ឆ្នាំម្នាក់ ពីភ្នំពេញយកទៅលក់ នៅស្រុកកោះធំ់ តម្លៃ៤០០ដុល្លារ ។

ករណីលួចចាប់ក្មេងស្រី បានកើតឡើងកាលពីវេលាម៉ោង៣និង៣០នាទីរសៀល ថ្ងៃទី២៥ ខែមេសា ឆ្នាំ២០១៧ នៅ ក្រុមទី៥ ភូមិលូ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។

មន្ត្រីនគរបាលស្រុកកោះធំបានឲ្យដឹងថា ជនសង្ស័យដែលបានចាប់ខ្លួន ឈ្មោះ ង្វៀង ធីហឿង ភេទស្រី អាយុ៣០ឆ្នាំ ជនជាតិវៀតណាម មុខរបរ លក់ខោរអាវចាស់ៗ ស្នាក់នៅ ភូមិដើមចាន់ សង្កាត់ ច្បាអំពៅ២ ខណ្ឌមានជ័យ រាជធានីភ្នំពេញ។ ចំណែកក្មេងស្រី ដែលត្រូវបានជនសង្ស័យ ចាប់មកលក់ឈ្មោះ គ វ ដ ភេទស្រី អាយុ៣ឆ្នាំ ជនជាតិ ជនជាតិវៀតណាម នៅភូមិលូ សង្កាត់ ស្វាយប៉ាក ខណ្ឌឫស្សីកែវ រាជធានី ភ្នំពេញ។

អ្នកទិញក្មេង ឈ្មោះ ផាម ធីង៉ោ ភេទស្រី អាយុ៣១ឆ្នាំ ជនជាតិ វៀតណាម នៅភូមិក្បាលជ្រោយ ឃុំពោធិបាន ស្រុកកោះធំ ខេត្តកណ្ដាល មុខរបរ លក់កាហ្វេ (ពិការជើង)។

នគរបាលបានឲ្យដឹងបន្ថែមថាកាលពីម៉ោង៣និង៣០នាទីរសៀល ថ្ងៃទី ២៥ ខែមេសា ឆ្នាំ២០១៧ ជនសង្ស័យ បានដើរសុំខោអាវគេ នៅចំណុចកើតហេតុខាងលើ ក៏ប្រទះឃើញក្មេងស្រី អាយុ៣ឆ្នាំ កំពង់ដើរលេង តាមផ្លូវក៏ចាប់ក្មេងរងគ្រោះ យកមកលក់ឲ្យឈ្មោះ ផាម ធីង៉ោ ភេទស្រី អាយុ៣១ឆ្នាំ នៅភូមិក្បាលជ្រោយ ឃុំពោធិបាន ក្នុងតំលៃ៤០០ដុល្លា ដោយប្រាប់ក្មេងនេះជាកូនខ្លួន គ្មានលទ្ធភាពចិញ្ចឹម។ នៅពេលនោះឈ្មោះផាម ធីង៉ោ ក៏ទិញយកមកចិញ្ចឹមទៅ ជនសង្ស័យក្រោយពីទទួលលុយ រួចក៏ត្រឡប់វិញទៅ ។ លុះថ្ងៃទី២៧ ខែមេសា ទើបនគរបាលប៉ុស្តិ៍ស្វាយប៉ាក ស្រាវជ្រាវរកឃើញជនសង្ស័យ រួចបានចាប់ខ្លួន និងនាំខ្លួន មកសហការជាមួយកម្លាំងជំនាញ ប៉ុស្តិ៍ពោធិបាននិងកម្លាំងជំនាញ អធិការដ្ឋាននគរបាលស្រុកកោះធំ រកឃើញក្មេងរងគ្រោះ នឹងអ្នកទិញ ឈ្មោះ ផាម ធីង៉ោ នៅភូមិ ក្បាលជ្រោយឃុំពោធិបាន ស្រុកកោះធំ ។

បច្ចុប្បន្ន កម្លាំងជំនាញស្រុកកោះធំបានប្រគល់ក្មេងរងគ្រោះ ឲ្យទៅសមត្ថកិច្ច ប៉ុស្តិ៍ស្វាយប៉ាក ចំណែក ជនសង្ស័យ ឈ្មោះ ផាម ធីង៉ោ បាននាំខ្លួនទៅប៉ុស្ដិ៍ ស្វាយប៉ាក ដើម្បីកសាងសំណុំរឿង ចាត់ការ តាមនីតិវិធី៕

ចែកចាយបន្ត