Post News Media ព័ត៌មានជាតិ បុគ្គលិកធនាគា...

បុគ្គលិកធនាគារម្នាក់ ត្រូវរថយន្តជនជាតិចិនបុកពេញទំហឹង បណ្តាលឲ្យរបួសធ្ងន់

ចែកចាយបន្ត

ព្រះសីហនុ: លោកស្នងការរងទទួលផ្នែកចរាចរណ៍នៃស្នងការដ្ឋាននគរបាលខេត្តព្រះសីហនុ បានប្រាប់Post News ថា មានករណីគ្រោះថ្នាក់ចរាចរណ៍មួយបង្កឡើងដោយរថយន្តវីស្តូ បុកម៉ូតូពីក្រោយពេញទំហឹង បណ្តាលឲ្យរងរបួសធ្ងន់។

ហេតុការណ៍នេះបានកើតឡើងកាលពីវេលាម៉ោង១១និង១៥នាទី ព្រឹកថ្ងៃ២៨ ខែមេសា ឆ្នាំ២០១៧ ស្ថិតនៅលើផ្លូវជាតិលេខ៤ ចន្លោះគីឡូម៉ែត្រ២១០-២១១ ក្នុងភូមិចំណោទរាម ឃុំបិតត្រាង ស្រុកព្រៃនប់ ខេត្តព្រះសីហនុ។

លោកបានបន្តថា ជនរងគ្រោះមានឈ្មោះ វ៉ន រ៉ូ ភេទប្រុស អាយុ២២ឆ្នាំ មុខរបរ បុគ្គលិកធនាគារ ស្នាក់នៅ សង្កាត់លេខ៣ ខេត្តព្រះសីហនុ។

លោកបានបន្តទៀតថា មុនពេលកើតហេតុ រថយន្ត១គ្រឿងម៉ាកវីស្តូ ពណ៌ស ពាក់ស្លាកលេខ ភ្នំពេញ2AL-4337 បើកបរដោយជនជាតិ ចិន មានទិសដៅពី ព្រះសីហនុ ឆ្ពោះទៅ ភ្នំពេញ លុះដល់ចំណុចកើតហេតុខាងលើក៏បានបុកម៉ូតូពីខាងក្រោយ ម៉ាកហុងដា សេ១២៥ ពណ៌ខ្មៅ ដែលមានទិសដៅស្របគ្នា បណ្តាលឲ្យបុរសជិះម៉ូតូរងរបួសធ្ងន់។ ភ្លាមនោះជនរងគ្រោះត្រូវបានបញ្ជូនទៅសង្គ្រោះនៅគ្លីនិកមិត្តភាព។

ក្រោយពីកើតហេតុ សមត្ថកិច្ចបានចុះទៅដលល់កន្លែងកើតហេតុ ធ្វើការវាស់វែង និងនាំយករថយន្ត និងម៉ូតូ មករក្សាទុកនៅការិយាល័យនគរបាលចរាចរណ៍ផ្លូវគោក រង់ចាំដោះស្រាយគ្នានាពេលក្រោយតាមនីតិវិធីច្បាប់៕

ចែកចាយបន្ត