Post News Media ព័ត៌មានជាតិ ជនអនាថាវ័យចំណ...

ជនអនាថាវ័យចំណាស់ម្នាក់ ដេកស្លាប់ក្រោមដើមពោធិ៍ក្នុងវត្តជម្ពូវ័ន្ត សង្ស័យខ្យល់គ

ចែកចាយបន្ត

ភ្នំពេញ: បុរសចំណាស់ជាជនអនាថាម្នាក់ បានដេកស្លាប់ក្រោមដើមពោធិ៍ក្នុងវត្តជម្ពូវ័ន្តសង្ស័យខ្យល់គ បង្កឲ្យមានការភ្ញាក់ផ្អើល។

ហេតុការណ៍នេះបានកើតឡើងកាលពីវេលាម៉ោង៦និង៣០នាទីយប់ ថ្ងៃទី២៧ ខែមេសា ឆ្នាំ២០១៧ ស្ថិតក្នុងវត្តជម្ពូវ័ន្ត សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

សមត្ថកិច្ចបានឲ្យដឹងថា បុរសវ័យចំណាស់ដែលដេកស្លាប់ក្រោមដើមពោធិ៍នោះមានឈ្មោះ គឹម សាមេត អាយុ៦០ឆ្នាំ ស្នាក់នៅភូមិអណ្តូង សង្កាត់គោករកា ខណ្ឌពោធិ៍សែនជ័យ រាជធានីភ្នំពេញ។

ប្រភពដដែលបានបន្តឲ្យដឹងថា មុនពេលកើតហេតុ មានបុរសម្នាក់ឈ្មោះង៉យ សំអាងជាគ្រូបង្រៀនព្រះសង្ឃនៅក្មុងវត្តជម្ពូវ័ន្ត បានប្រាប់សមត្ថកិច្ចថា មុនដំបូងមានព្រះសង្ឃមកប្រាប់គាត់ថា ឃើញមនុស្សអនាថាម្នាក់ដេកក្រោមដើមពោធិ៍ ពេលគាត់ឮដូច្នេះក៏បានទៅមើលភ្លាមទៅដល់ឃើញបុរសអនាថាម្នាក់សម្បរសណ្តែកបាយស្លៀកខោខ្លីការ៉ូ ពាក់អាវការ៉ូល្អិតដៃវែងខាងក្រៅ អាវយឺតសពីក្នុងបានដេកស្លាប់នៅក្រោមដើមពោធិ៍ក្បែរស្រះទឹកក្នុងវត្តជម្ពូវ័ន្តបន្ទាប់មកបានរាយកាណ៍ប្រាប់សមត្ថកិច្ចហើយពេលសមត្ថកិច្ចទៅដល់បានឆែកលើដងខ្លួនឃើញប័ណ្ណសុខភាពនិងសៀវភៅសុខភាពដែលមានឈ្មោះជនរងគ្រោះខាងលើ។

ក្រោយមកសមត្ថកិច្ចក៏បានទាក់ទងទៅសាច់ញាតិសពតែដោយសារសាច់ញាតិមានជំងឺធ្ងន់មិនអាចមកបានហើយទាក់ទងទៅកូនរបស់សពមិនអាចទាក់ទងបាន។

ចុងក្រោយទើបសមត្ថកិច្ចសម្រេចប្រគល់ឲ្យអាចារ្យវត្តជម្ពូវ័ន្តតែម្តង៕