Post News Media ព័ត៌មានជាតិ នារីម្នាក់ត្រ...

នារីម្នាក់ត្រូវបងជីដូនមួយចាប់រំលោភមិនសម្រេច រួចគេចខ្លួនបាត់

ចែកចាយបន្ត

កណ្តាល: នារីម្នាក់ បានរត់មកប្តឹងអាជ្ញាធរមូលដ្ឋានដើម្បីឲ្យជួយរកយុត្តិធម៌ ក្រោយពីត្រូវបុរសជាបងជីដូនមួយធ្វើសកម្មភាពចាប់រំលោភសេពសន្ថវ:តែមិនបានសម្រេច។

ហេតុការណ៍នេះបានកើតឡើងកាលពីវេលាម៉ោង១០និង៥០នាទី ថ្ងៃទី២៧ ខែមេសា ឆ្នាំ២០១៧ នៅចំណុច ភូមិពោធិ៍ស្មាត ឃុំជើងកើប ស្រុកកណ្ដាលស្ទឹង ខេត្តកណ្ដាល។

សមត្ថកិច្ចបានឲ្យដឹងថា ជនរងគ្រោះមានឈ្មោះ ភ.ច.ស ភេទស្រី អាយុ១៦ឆ្នាំ រស់នៅភូមិពោធិ៍ស្មាត ឃុំជើងកើបស្រុកកណ្ដាលស្ទឹង ខេត្តកណ្ដាល មុខរបរកម្មការនីរោងចក្រកាត់ដេរ។ ចំណែកជនសង្ស័យមានឈ្មោះ ថន រដ្ឋា ហៅពាង ភេទប្រុសអាយុ២៩ឆ្នាំ រស់នៅភូមិពោធិ៍ស្មាត ឃុំជើងកើប ស្រុកកណ្ដាលស្ទឹង ខេត្តកណ្ដាល មុខរបរ មិនពិតប្រាកដ(គេចខ្លួនបាត់)។

ប្រភពព័ត៌មានពីជនរងគ្រោះបានឲ្យដឹងថា មុនពេលកើតហេតុ ជនរងគ្រោះបានចេញពីធ្វើការរោងចក្រមកហូបបាយនៅផ្ទះរបស់ខ្លួន។ ពេលហូបបាយរួច ក៏ដើរទៅលាងដៃនៅពាងក្រោយផ្ទះរបស់ខ្លួន ពេលនោះជនសង្ស័យដែលត្រូវជាបងជីដូនមួយរបស់ជនរងគ្រោះ ដែលមានផ្ទះនៅជាប់គ្នា ដោយ ជនសង្ស័យកំពុងតែនៅក្បែរមាត់ទ្វារផ្ទះរបស់ខ្លួន បានស្រែកខ្ចីទូរសព្ទរបស់ជនរងគ្រោះដើម្បីនិយាយ តែជនរងគ្រោះប្រាប់ថាទូរសព្ទអត់លុយទេ។ បន្ទាប់មកជនសង្ស័យបានហៅជនរងគ្រោះ ឲ្យមកក្បែរខ្លួន ដើម្បីប្តូរអក្សរទូរសព្ទ ពីភាសារអង់គ្លេស មកអក្សរខ្មែរ ពេលនោះជនរងគ្រោះ ក៏មកចុចទូរសព្ទឲ្យជនសង្ស័យ ភ្លាមនោះជនសង្ស័យ ក៏បានសួរជនរងគ្រោះថាចង់បានទូរសព្ទនេះឫក៏អត់ គឺទូរសព្ទម៉ាក់ អូបផូ? ជនរងគ្រោះឆ្លើយថា ចង់បានហើយ ទូរសព្ទនេះមានតម្លៃប៉ុន្មាន ជនសង្ស័យប្រាប់ថាតម្លៃ២៣០ដុល្លារ ក្នុងពេលនោះជនសង្ស័យក៏បានខ្ទប់មាត់និងអូសជនរងគ្រោះ ទៅផ្ដួលទៅលើពូកដេករបស់ជនសង្ស័យ ដែលនៅលើថ្មសាប នៅក្នុងផ្ទះ រួចឡើងពោប ពីលើជនរងគ្រោះ រួចយកដៃរាវឡេវខោជនរងគ្រោះ តែជនរងគ្រោះរើបម្រាស់រួច ក៏លើដៃសំពះអង្វរ ជនសង្ស័យទើបជនសង្ស័យ យល់ព្រមឈប់ធ្វើសកម្មភាពបន្តទៀត។

ប្រភពដដែលបន្តថា ក្រោយមកជនរងគ្រោះ ក៏បាននិយាយប្រាប់យាយ បង្កើតរបស់ខ្លួន ពីរឿងខាងលើ រួចយាយជនរងគ្រោះ ក៏ទៅប្រាប់ប្រធានភូមិ ប្រធានភូមិ បានរាយការណ៍ទៅលោកនាយប៉ុស្តិ៍ហើយលោកនាយប៉ុស្តិ៍ចុះទៅដល់កន្លែងកើតហេតុតែជនសង្ស័យបានរត់គេចខ្លួនបាត់។

ក្រោយមកម្ដាយជនរងគ្រោះបានមកដាក់ពាក្យបណ្ដឹងនៅប៉ុស្តិ៍រដ្ឋបាលជើងកើបដើម្បីឲ្យសមត្ថកិច្ចជួយស្រាវជ្រាវតាមចាប់ខ្លួនយកមកផ្តន្ទាទោសតាមផ្លូវច្បាប់ ៕

ចែកចាយបន្ត