Post News Media ព័ត៌មានជាតិ ទៀតហើយ! មនុស្...

ទៀតហើយ! មនុស្ស២នាក់ស្លាប់និងរបួសក្នុងករណីរន្ទះបាញ់នៅខេត្តបាត់ដំបង

ចែកចាយបន្ត

បាត់ដំបង: តាមសេចក្តីរាយការណ៍ពីភ្នាក់ងារ Post News ប្រចាំខេត្តបាត់ដំបង បានឲ្យដឹងថា មានករណីរន្ទះបាញ់មួយទៀតហើយបានកើតឡើង រហូតបណ្តាលឲ្យមានមនុស្សម្នាក់ស្លាប់ និងម្នាក់ទៀតរបួសធ្ងន់ ត្រូវបានគេបញ្ជូនទៅសង្គ្រោះបន្ទាន់នៅមន្ទីរពេទ្យ។

ហេតុការណ៍នេះបានកើតឡើងកាលពីវេលាម៉ោង ២រសៀល ថ្ងៃទី២៨ ខែមេសា ឆ្នាំ២០១៧ ស្ថិតនៅចំណុចក្រុមទី៤ ភូមិកណ្ដាល ឃុំស៊ុង ស្រុកសំឡូត ខេត្តបាត់ដំបង។

នៅក្នុងករណីរន្ទះបាញ់ខាងលើនេះបានបណ្តាលឲ្យមនុស្សចំនួន២នាក់រងរបួសធ្ងន់និងស្លាប់ ដោយទី១មានឈ្មោះសៀន ឆើត ភេទស្រី អាយុ២៦ឆ្នាំ រងរបួសសន្លប់ធំ ស្នាក់នៅចំនុចកើតហេតុខាងលើ និងជនរងគ្រោះទី២ឈ្មោះ សៀន ឆេន ភេទស្រី អាយុ២៤ឆ្នាំ រស់នៅក្នុងភូមិកើតហេតុខាងលើ ស្លាប់បាត់បង់ជីវិត។

ក្រោយកើតហេតុ ជនរងគ្រោះដែលរងរបួសសន្លប់ធំនោះ ត្រូវបានបញ្ជូនទៅសង្គ្រោះនិងព្យាបាលនៅមណ្ឌលសុខភាព បិង រុនផងដែរ៕

ចែកចាយបន្ត