Post News Media ព័ត៌មានជាតិ ឆក់គេគ្រាន់ គ...

ឆក់គេគ្រាន់ គេដេញទាន់ក្រែលហើយគុកទៀត!..

ចែកចាយបន្ត

ភ្នំពេញ: ជនសង្ស័យម្នាក់ធ្វើសកម្មភាពឆក់ទូរសព្ទដៃពីជនបរទេសម្នាក់បានសម្រេច ព្យាយាមគេចខ្លួន តែត្រូវប្រជាពលរដ្ឋជាច្រើននាក់ ដេញតាមស្ទាក់ចាប់បាន វាយម្នាក់មួយដៃមួយជើង បណ្តាលឲ្យរងរបួសធ្ងន់ ទើបប្រគល់ឲ្យសមត្ថកិច្ច។

ហេតុការណ៍នេះបានកើតឡើងកាលពីវេលាម៉ោង១១ និង២០នាទីយប់ ថ្ងែទី៣ ខែមេសា ឆ្នាំ២០១៧ ស្ថិតនៅតាមបណ្តោយផ្លូវលេខ៥១ កែងនឹងផ្លូវលេខ១៥៦ សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ។

ប្រភពព័ត៌មានពីប្រជាពលរដ្ឋដែលបានឃើញហេតុការណ៍បានឲ្យដឹងថា មុនពេលកើត គេបានឃើញជនបរទេសម្នាក់ ដើរតាមបណ្តោយផ្លូវលេខ៥១ ខណ:នោះ ក៏មានជនសង្ស័យ២នាក់ ជិះម៉ូតូមួយគ្រឿងដែលមិនចាំម៉ាក មានគ្នា២នាក់ បានធ្វើសកម្មភាពឆក់ទូរសព្ទដៃពីជនបរទេសខាងលើ បានសម្រេច ហើយក៏បានព្យាយាមជិះម៉ូតូរត់គេចខ្លួន។ ភ្លាមៗនោះត្រូវបានប្រជាពលរដ្ឋដែលបានឃើញហេតុការណ៍ នាំគ្នាដេញតាម រហូតមកផ្លូវលេខ៥១ កែងនឹងផ្លូវលេខ១៥៦ ក៏ត្រូវបានប្រជាពលរដ្ឋចាប់ទាញជនសង្ស័យម្នាក់ ដែលអង្គុយពីក្រោយ ធ្លាក់ពីលើម៉ូតូ រួចនាំគ្នាព្រួយវាយម្នាក់មួយដៃមួយជើង បណ្តាលឲ្យរងរបួសធ្ងន់ ចំណែកជនសង្ស័យម្នាក់ទៀត បានជិះម៉ូតូរត់គេចខ្លួនបានដោយសុវត្ថិភាព ។

ក្រោយពេលកើតហេតុជនសង្ស័យម្នាក់ដែលត្រូវប្រជាពលរដ្ឋប្រគល់ឲ្យសមត្ថកិច្ចនាំយកមកកាន់ប៉ុស្ពិ៍នគរបាលផ្សារថ្មី៣ ដើម្បីកសាងសំណុំរឿងបន្តចាត់ការតាមផ្លូវច្បាប់បន្តទៀត៕