Post News Media ព័ត៌មានជាតិ មេម៉ាយកូនមួយវ...

មេម៉ាយកូនមួយវ័យក្មេងម្នាក់ ត្រូវគេល្បូងតាំងពីស្វាយរៀងមកភ្នំពេញបង្អកស្រាដល់ស្រវឹងចូលផ្ទះសំណាក់រំលោភបានសម្រេច ចុងក្រោយ…

ចែកចាយបន្ត

ភ្នំពេញ: មេម៉ាយកូនមួយវ័យក្មេងម្នាក់ ត្រូវបានមិត្តភក្តិល្បួង តាំងពីខេត្តស្វាយរៀងរហូតមកដល់ភ្នំពេញ ហើយចាប់បង្អកស្រារហូតស្រវឹងនាំចូលផ្ទះសំណាក់បើកដៃឲ្យមិត្តប្រុសម្នាក់ទៀត រំលោភបានសម្រេច ទើបផ្អើលឆោឡោដល់សមត្ថកិច្ចចុះមកអន្តរាគមន៍។

ហេតុការណ៍នេះបានកើតឡើងកាលពីវេលាម៉ោង ៣ទៀបភ្លឺ ថ្ងៃទី៤ ខែឧសភា ឆ្នាំ២០១៧ នៅក្នុងផ្ទះសំណាក់មួយកន្លែងយីហោ សុធារស ដែលមានទីតាំងតាមបណ្តោយផ្លូវ សម្តេចសុធារស ក្រោយផ្សារអ៊ីអនម៉ល ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។

នារីរងគ្រោះមានឈ្មោះ វ.ច.វ ភេទស្រី អាយុ១៩ឆ្នាំ មុខរបរបម្រើការក្នុងហាងមួយកន្លែង ស្ថិតនៅក្នុងក្រុងបាវិត ខេត្តស្វាយរៀង និងមានស្រុកភូមិ-ឃុំ ចា ស្រុកព្រៃកប្បាស ខេត្តតាកែវ ។

តាមការរៀបរាប់លាយឡំនឹងទឹកភ្នែករបស់នារីរងគ្រោះបានឲ្យដឹងថា មុនពេលកើតហេតុ មានមិត្តភក្តិស្រីម្នាក់ ដែលធ្វើការជាមួយគ្នា បានបបួលរូបនាងមកលេងភ្នំពេញ។ ចំពេលរូបនាងចង់មកលេងកូនដែលផ្ញើម្តាយនៅភ្នំពេញផងក៏យល់ព្រមមកជាមួយ ។ ពេលមកដល់ភ្នំពេញហើយនោះ មិត្តភក្តិនាងបានហៅសង្សារគេម្នាក់ទៀតមកជាមួយដែរ សរុបទាំងអស់មានគ្នា៣នាក់ ថាទៅញ៉ាំអីនៅក្នុងហាងមួយ មិនចាំឈ្មោះ និងទីតាំង។ ពេលញ៉ាំអីហើយ ក៏បបួលរូបនាងបន្តទៅរាំលេងក្នុងក្លឹបទៀត ដោយហៅស្រាបៀរ១កេសផឹកគ្នា៣នាក់។ លុះពេលផឹកស្រវឹងហើយ ក៏នាំគ្នាមកដេកផ្ទះសំណាក់យីហោ សុធារស ដោយជួលបន្ទប់លេខ៣០១ ដែលមានគ្រែ២ ។ ពេលនៅក្នុងផ្ទះសំណាក់រូបនាងដេកគ្រែមួយម្នាក់ឯង ហើយសង្សារ១គូទៀត ដេកគ្រែផ្សេង។ ស្រាប់តែនៅវេលាម៉ោងប្រហែលជាង២ រំលងអធ្រាត្រ បុរសជាសង្សារមិត្តភក្តិនាង បានឡើងមកពោបពីលើនាង និងបានចាប់រំលោភរូបនាងទាំងកម្រោលរហូតបានសម្រេច ខណ:ដែលនាងមានអាការ:ស្រវឹងមិនទាន់ស្វាងគ្មានកម្លាំងនិងរើបម្រាស់។

ជនរងគ្រោះបានបន្តទៀតថា ខណ:នោះនាងប្រឹងស្រែកឲ្យមិត្តភក្តិដែលនៅលើគ្រែ១ទៀតជួយដែរ តែបែរជាមិត្តភក្តិនោះមិនព្រមមកជួយ បានត្រឹមតែអង្គុយមើលគេរំលោភនាងរហូតបានសម្រេចទៅវិញ។ ភ្លាមៗនោះ នាងបានរត់ចុះមកក្រោមប្រាប់អ្នកមើលការខុសត្រូវផ្ទះសំណាក់ ថាគេចាប់រំលោភនាងបានសម្រេចហើយ និងឲ្យខាងម្ចាស់ផ្ទះសំណាក់ ឃាត់ខ្លួនមនុស្សប្រុសស្រី២នាក់នោះទុកសិន រង់ចាំសមត្ថកិច្ចមកដោះស្រាយ។ តែខាងម្ចាស់ផ្ទះសំណាក់មិនឃាត់ទេ ថែមទាំងដេញឲ្យចេញផុតពីផ្ទះសំណាក់របស់គេ ដើម្បីកុំឲ្យមានរឿង ធ្វើឲ្យរូបនាងមានការឈឺចាប់យ៉ាងខ្លាំង ។

ចំណែកខាងម្ចាស់ផ្ទះសំណាក់ខាងលើ មិនព្រមសហការជាមួយអ្នកសារព័ត៌នោះទេ ថែមទាំងដេញក្រុមអ្នកសារព័ត៌មាន ចេញមិនឲ្យថតទៀតផង ហើយបានត្រឹមតែនិយាយថា នេះជាករណីត្រូវរ៉ូវគ្នា ហើយចង់ធ្វើបាបរករឿងផ្ទះសំណាក់គាត់ទៅវិញ ។

ក្រោយពេលកើតហេតុជនរងគ្រោះបានមកដាក់ពាក្យបណ្តឹងនៅប៉ុស្តិ៍រដ្ឋបាលទន្លេបាសាក់ ដើម្បីឲ្យសមត្ថកិច្ចជួយរកយុត្តិធម៌ ព្រោះជនរងគ្រោះអះអាងថារូបនាងស្គាល់អត្តសញ្ញាណស្ត្រីដែលបើកដៃឲ្យមិត្តប្រុសរំលោភនាងនោះហើយ៕