Post News Media ព័ត៌មានជាតិ ស្ត្រីរូបស្រស...

ស្ត្រីរូបស្រស់២នាក់ បែកគំនិតជួញដូរគ្រឿងញៀន ត្រូវសមត្ថកិច្ចចាប់ខ្លួន!

ចែកចាយបន្ត

ត្បូងឃ្មុំ: ជនសង្ស័យចំនួន២នាក់ ត្រូវបានសមត្ថកិច្ចធ្វើការចាប់ខ្លួន បានជាបន្តបន្ទាប់ ពាក់ពន្ធ័នឹងករណីជួញដូរគ្រឿងញៀនខុសច្បាប់។

មុខសញ្ញាសង្ស័យឈ្មោះ ឆន ចាន់ថន ភេទស្រី អាយុ៣១ឆ្នាំ រស់នៅភូមិមេមត់ផ្សារ ឃុំមេមត់ ស្រុកមេមត់ ខេត្តត្បូងឃ្មុំ ដែលធ្លាប់ចាប់ខ្លួនកាលពីថ្ងៃទី៨ ខែមីនា ឆ្នាំ ២០១៧ និងបុរសជាប្រុសស្នេហ៍ឈ្មោះ វាសនា រចនា ហៅ ដូង ភេទប្រុស អាយុ ២៤ ឆ្នាំ ស្នាក់នៅចំណុចភូមិចង្គុំស្ពាន ឃុំទន្លូង ស្រុកមេមត់ ខេត្តត្បូងឃ្មុំ ពាក់ព័ន្ធទៅនឹងករណីជួយដូរ រក្សាទុក ដឹកជញ្ជូននូវសារធាតុញៀនខុសច្បាប់។ ប៉ុន្តែដោយមានការធានាអះអាងពីប្រុសស្នេហ៍ថាឈ្មោះ ឆន ចាន់ថន មិនមានពាក់ព័ន្ធនឹងករណីជួញដូរសារធាតុញៀននោះ ទើបសមត្ថកិច្ចដោះលែងឲ្យមានសេរីភាពវិញ ដោយបានចុះក្នុងបញ្ជីគ្រប់គ្រងមុខសញ្ញាជួញដូរនូវសារធាតុញៀនខុសច្បាប់ ។

រហូតមកដល់ថ្ងៃទី២ ខែឧសភា ឆ្នាំ២០១៧ កម្លាំងជំនាញប្រឆាំងគ្រឿងញៀន នៃអធិការដ្ឋាននគរបាលស្រុកមេមត់ បានធ្វើការតាមមុខសញ្ញាសង្ស័យឈ្មោះ ឆន ចាន់ថន ភេទស្រី អាយុ៣១ឆ្នាំ គឺមានការពាក់ព័ន្ធករណីជួញដូរនូវសារធាតុញៀនខុសច្បាប់ កម្លាំងយើងបានចុះទៅធ្វើការឃាត់ខ្លួននៅចំណុចផ្លូវលំ ស្ថិតក្នុងភូមិមេមត់ផ្សារចាស់ ឃុំមេមត់ ស្រុកមេមត់ ខេត្តត្បូងឃ្មុំ ដោយមានការឃ្លាំមើល និងប្រើប្រាស់វិធានការញ៉ុះញ៉ុង។

ក្នុងការចុះឃាត់ខ្លួនសមត្ថកិច្ចយើងបានបន្តឃាត់ខ្លួនជនសង្ស័យស្រីម្នាក់ទៀតឈ្មោះ ធឹង ខេង អាយុ៣៧ឆ្នាំ ជាយកមកឲ្យឈ្មោះ ឆន ចាន់ថន ដែលជាម្សៅក្រាមពណ៌សដែលសង្ស័យថាជាថ្នាំញៀនមួយកញ្ចប់ក្នុងតម្លៃ ៨០ម៉ឺនរៀល។ បន្ទាប់ពីការឃាត់ខ្លួនជនសង្ស័យទាំងពីរនៅចំណុចខាងលើកម្លាំងសមត្ថកិច្ចយើងបាន សុំគោលការណ៍ពីលោកឧត្តមសេនីយ៍ស្នងការនគរបាលខេត្តត្បូងឃ្មុំ និងលោកព្រះរាជ្ញាអមសាលាដំបូងខេត្តត្បូងឃ្មុំ ដើម្បីធ្វើការឆែរកឆេរផ្ទះរបស់ជនសង្ស័យឈ្មោះ ឆន ចាន់ថន ជាលទ្ធផលបានរកឃើញជញ្ជីងអេឡិចត្រូនិចចំនួន១គ្រឿងសម្រាប់ថ្លឹងថ្នាំញៀន និងសម្ភារ:សម្រាប់វេចខ្ចប់ថ្នាំញៀនមួយចំនួន។

បច្ចុប្បន្នសមត្ថកិច្ចជំនាញផ្នែកប្រឆាំងគ្រឿងញៀន បានបញ្ជូនជនសង្ស័យស្រីទាំង២នាក់មកកាន់អធិការដ្ឋាននគរបាលស្រុកមេមត់ ដើម្បីសាកសួរចម្លើយ និងកំពុងកសាងសំណុំរឿងដើម្បីបញ្ជូនទៅកាន់សាលាដំបូងខេត្តត្បូងឃ្មុំ ផ្តន្ទាទោសតាមនីតិវិធីច្បាប់ ។