Post News Media ព័ត៌មានជាតិ Update៖បុរសម្...

Update៖បុរសម្នាក់មានវិបត្តិគ្រួសារ បានដុតសម្លាប់ខ្លួនក្នុងគុម្ពឬស្សីបង្កការភ្ញាក់ផ្អើលយ៉ាងខ្លាំង

ចែកចាយបន្ត

ភ្នំពេញ: ភ្នាក់ងារ Post News បានរាយការណ៍មកថា មានករណី ប្រទះឃើញសពបុរសម្នាក់ សង្ស័យត្រូវបានគេសម្លាប់ក្នុងគុម្ពឬស្សី ដោយយកប្រេងកាតចាក់ស្រោចដុត សល់តែរូបអាក្រាតកាយ ក្រោយមកទើបដឹងថាជាករណីអត្តឃាតដុតសម្លាប់ខ្លួន។

ហេតុការណ៍ភ្ញាក់ផ្អើលខាងលើនេះបានកើតឡើងកាលពីវេលាម៉ោង៧និង៣០នាទី ព្រឹកថ្ងៃទី៤ ខែឧសភា ឆ្នាំ២០១៧ ស្ថិតនៅផ្លូវលំ ក្នុងគុម្ពឬស្សីក្បែរដីឡូត៍ ភូមិអង្គ សង្កាត់ប្រទះឡាង ខណ្ឌដង្កោ រាជនីភ្នំពេញ។

ប្រភពព័ត៌មានពីក្រុមគ្រួសារសាច់ញាតិសពបុរសខាងលើ បានឲ្យដឹងថានៅវេលាម៉ោង៦ព្រឹកថ្ងៃទី៤ព្រឹកមិញនេះ ជនរងគ្រោះខាងលើ បានបើករថយន្តចេញពីផ្ទះដើម្បីដឹកក្រដាសកាតុងតាមរោងចក្រដូចសព្វដង លុះក្រុមគ្រួសារបានឃើញស្លាកលេខរថយន្តដែលក្រុមព័ត៌មានបានបង្ហោះក៏បានទទួលដំណឹង ហើយក៏មកដល់កន្លែងកើតហេតុ ទើបដឹងថា សពបានឆេះខ្លោចមើលលែងស្គាល់។

ជុំវិញការភ្ញាក់ផ្អើលខាងលើនេះ ក៏មានវត្តរបស់សមត្ថកិច្ចពាក់ពន្ធ័ បានចុះដល់កន្លែងកើតហេតុដើម្បីធ្វើការស្រាវជ្រាវយ៉ាងដុតដៃដុតជើងផងដែរ។

សមត្ថកិច្ចបានឲ្យដឹងថា សពជនរងគ្រោះខាងលើមានឈ្មោះ នូនសំណាង អាយុ៣៣ឆ្នាំ មុខរបរបើករថយន្តផ្ទាល់ខ្លួនដឹកសម្ភា:តាមរោងចក្រកាត់ដេរ មានស្រុកកំណើតភូមិឬស្សី ឃុំដើមឬស្ស ស្រុកណ្តាលស្ទឹងខេត្តកណ្តាល ។ ចំណែកប្រពន្ធ ជនរងគ្រោះមានឈ្មោះ អ៊ឹង ចាន់ណាអាយុ៣១ឆ្នាំ មានកូនតូចប្រុសស្រី៣នាក់ ស្នាក់នៅជាមួយគ្នា។

ក្រោយពីពិនិត្យសាកសពរួច សមត្ថកិច្ចជំនាញ ក៏ដូចជាលោក ជឹម ស៊ីថា អធិការនគរបាលខណ្ឌដង្កោ បានប្រាប់Post News ថាក្រោយការធ្វើកោសល្យវិច័យនិងស្រាវជ្រាវយ៉ាងដុតដៃដុតជើងរួចមក ទើបដឹងថា សាកសពជនរងគ្រោះខាងលើស្លាប់ដោយការធ្វើអត្តឃាតដុតសម្លាប់ខ្លួនឯង ដោយសារតែមានវិបត្តិគ្រួសារ មិនមែនជាករណីឃាតកម្មអ្វីនោះទេ។

បច្ចុប្បន្នសាកសពជនរងគ្រោះ ត្រូវបានសមត្ថកិច្ចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕