Post News Media ព័ត៌មានជាតិ ប្រុងប្រយត្ន័...

ប្រុងប្រយត្ន័! ភ្លៀងមួយមេ វាយប្រហារផ្ទះជាង១០ខ្នង និងមនុស្ស២នាក់របួសនៅខេត្តឧត្តរមានជ័យ

ចែកចាយបន្ត

ឧត្តរមានជ័យ: យោងតាមផេកផ្លូវការ របស់ក្រសួងធនធានទឹក និងឧតុនិយម បានឲ្យដឹងថា ភ្លៀងធ្លាក់មួយមេលាយឡំជាមួយនឹងខ្យល់កន្ត្រាក់ នាល្ងាចថ្ងៃទី៤ ខែឧសភា ឆ្នាំ២០១៧ បានវាយប្រហារមកលើស្រុកបន្ទាយអំពិល ធ្វើឲ្យរលំដើមឈើក្នុងតំបន់ការដ្ឋានសាងសង់ទំនប់អាងទឹក ទឹកជុំ សង្កត់លើជម្រកស្នាក់នៅរបស់កម្មករ បណ្តាលឲ្យបុរសដែលជាមេជាងសំណង់ម្នាក់ រងរបួសបាក់កជើង និងក្មេងប្រុសម្នាក់ទៀត រងរបួសធ្ងន់។

បន្ទាប់ពីកើតហេតុហើយនោះ ជនរងគ្រោះទាំង២នាក់ ត្រូវបានបញ្ជូនទៅសង្គ្រោះនិងព្យាបាលនៅមន្ទីរពេទ្យក្នុងខេត្តបន្ទាយមានជ័យ។

ក្នុងនោះ ការវាយប្រហារដោយខ្យល់កន្ត្រាក់ខាងលើនេះ ក៏បានបណ្តាលឲ្យផ្ទះរបស់ប្រជាពលរដ្ឋយ៉ាងហោច១១ខ្នង នៅក្នុងឃុំបេង រងការខូចខាតយ៉ាងដំណំផងដែរ៕

ចែកចាយបន្ត