Post News Media ព័ត៌មានជាតិ រថយន្តដឹកឈើស្...

រថយន្តដឹកឈើស្រូលមួយគ្រឿង បើកធ្លាក់ផ្លូវបណ្តាលឲ្យបាក់បង្កាន់ដៃស្ពាន

ចែកចាយបន្ត

កំពង់ស្ពឺ: លោកអធិការស្រុកកំពង់ស្ពឺ បានប្រាប់ Post News ថា កាលពីវេលាម៉ោង៨និង៣០នាទី ព្រឹកថ្ងៃទី៥ ខែឧសភា ឆ្នាំ២០១៧ នៅលើផ្លូវជាតិលេខ៤ ចន្លោះគីឡូម៉ែត្រ១០៣-១០៤ ភូមិទី៦ ឃុំត្រែងត្រយឹង ស្រុកភ្នំស្រួច មានករណីប្រទះឃើញរថយន្តមួយគ្រឿង ម៉ាកហ៊ីយ៉ាន់ដាយ ពណ៌ស លាយត្រួយចេក ពាក់ស្លាកលេខ កំពង់ធំ ៣អា ១២៩៦ (អ្នកបើកបររត់គេច) បើកពីទិសខាងលិចទៅកើត មកដល់ចំណុចខាងលើបានធ្លាក់ផ្លូវទៅខាងផ្លូវជាតិ បណ្តាលឲ្យបាក់បង្កាន់ដៃស្ពានប្រវែង១៥ម៉ែត្រ

ក្នុងរថយន្តមានដឹកឈើស្រូលចំនួន១១៧ដុំ បានប្រគល់ឲ្យបរិស្ថានគីរីរម្យចាត់ការតាមនិតិវិធីច្បាប់។
ក្នុងនោះមានការចូលរួមដោយ៖
១.លោកវរសេនីយ៍ត្រី អ៊ុ សារិទ្ធ អធិការរង
២.លោក ឯក សឿង សំអាត នាយរងប៉ុស្តិ៍ ត្រែងត្រយឹង
៣.លោក ប៊ុន សេង មន្ត្រី
៤.លោក ឃាង វុធពៅ ប្រធានស្នាក់ការ
៥.លោក អ៊ុ សំអុល អនុប្រធាន
៦.លោក នៅ ណាក់ អនុប្រធានបរិស្ថានខេត្ត
៧.លោកឡុង ស៊ី ប្រធានការិយាល័យ អភិរក្សបរិស្ថាន៕