Post News Media ព័ត៌មានកីឡា ឃឹម ឌីម៉ា អាច...

ឃឹម ឌីម៉ា អាចផ្តួលកីឡាករថៃ Phikunngern Sor.Phannisa បានទេល្ងាចនេះ

ចែកចាយបន្ត

ការប្រកួតពានរង្វាន់កំពូលអ្នកប្រដាល់ជើងឯកគោជល់ វិលជុំសន្សំពិន្ទុដណ្តើមខ្សែក្រវាត់ វគ្គ៧ លើកទី៣ រវាងកីឡាករកម្ពុជា ឃឹម ឌីម៉ា ត្រូវប្រកួតជាមួយកីឡាករថៃ ភិគុនងើន ស.ផាន់និសា (Phikunngern Sor.Phannisa) នៅវេលាម៉ោង ៥ និង ៣០ នាទីល្ងាច ថ្ងៃសៅរ៍នេះ លើសង្វៀន CNC ហើយនេះជាការប្រកួតលើកទី៣ របស់ ឃឹម ឌីម៉ា ។

ប្រកួត ២លើក កន្លងមករបស់ ឃឹម ឌីម៉ា ឈ្នះទាំង ២លើក មាន៦ពិន្ទុ ខណ:ដែល កីឡាករថៃ ២ប្រកួតចាញ់ទាំងអស់ មាន២ពិន្ទុ ទោះជាយ៉ាងណាក៏ដោយកីឡាករនាគខ្មៅខេត្តបន្ទាយមានជ័យ បាននិយាយថា « បើមានឱកាសខ្ញុំនិងផ្តួលដៃគូឲ្យសន្លប់ ព្រោះកន្លងមកបានត្រឹមឈ្នះពិន្ទុប៉ុន្នោះ តែមិនអាចនិយាយទុកមុនបានទេ ទោះបីកីឡាករថៃ ប្រកួតចាញ់២លើកក៏ដោយ រង់ចាំមើលនៅលើសង្វៀនបានអាចដឹង»។

នៅថ្ងៃ សៅរ៍ ដដែលនេះក៏មានគូពិសេស ២ទៀត ដោយកីឡាករ ឌុម កែវដា ប្រកួតជាមួយកីឡាករថៃ Tamroutlek ក្នុងវគ្គសន្សំពិន្ទុនេះដែរ ស្របពេលដែល កីឡាករជើងចាស់ ឡុង សុវណ្ណឌឿន ណាត់កីឡាករ Bok Jone MTK
ដែលមកពីប្រទេស អ៊ូបេគីស្ថាន ដើម្បីប្រកួតមិត្តភាព៕

ចែកចាយបន្ត