Post News Media ព័ត៌មានជាតិ ឃាត់ខ្លួនឈ្មោ...

ឃាត់ខ្លួនឈ្មោះ ទក និងបក្ខពួក ពាក់ពន្ធ័ករណីគ្រឿងញៀនបានជាបន្តបន្ទាប់

ចែកចាយបន្ត

ភ្នំពេញ: ជនសង្ស័យចំនួន២នាក់ ត្រូវបានកម្លាំងនគរបាលប៉ុស្តិ៍ឃ្មួញ ធ្វើការឃាត់ខ្លួនបានជាបន្តបន្ទាប់ ពាក់ពន្ធ័នឹងករណីគ្រឿងញៀន ដកហូតបានសម្ភារ:សម្រាប់ប្រើប្រាស់ និងធ្វើសកម្មភាពចែកចាយមួយចំនួន រួមនឹងដាវស៊ាំម៉ូរ៉ៃចំនួន១។

សមត្ថកិច្ចបានឲ្យដឹងថា មុននឹងឈានដល់ការចាប់ខ្លួនបានជនសង្ស័យខាងលើ ដំបូងឡើយ មានជនសង្ស័យឈ្មោះ នូ សុដាវីត ហៅអាទក ភេទប្រុស អាយុ២៩ឆ្នាំ មុខរបរមិនពិតប្រាកដ ស្នាក់នៅភូមិត្រពាំងរាំង សង្កាត់ឃ្មួញ ខណ្ឌសែនសុខ បានលោតចូលសម្ងំក្នុងដីឡូរបស់លោក ហុង ពីវ ក៏ត្រូវបានកម្លាំងសន្តិសុខ ដែលយាមការក្នុងដីឡូតិ៍ខាងលើ ឃាត់ខ្លួនប្រគល់ឲ្យសមត្ថកិច្ចនគរបាលប៉ុស្តិ៍ឃ្មួញដើម្បីធ្វើការសាកសួរ និងធ្វើតេស្តទឹកនោម ក៏រកឃើញថា មានសារជាតិញៀនក្នុងខ្លួន។ ក្រោយមកទើបជនសង្ស័យខាងលើនេះ បានសារភាពថា កន្លងមកខ្លួនធ្លាប់ប្រើប្រាស់ថ្នាំញៀន ដោយបានទិញពីជនសង្ស័យទី២ឈ្មោះ ខុន ខ្នា ភេទប្រុស អាយុ៣២ឆ្នាំ បានចំនួន២ដង។

ក្រោយពីទទួលបានចម្លើយសារភាពពីជនសង្ស័យទី១ហើយនោះ សមត្ថកិច្ចបានធ្វើការនាំខ្លួនជនសង្ស័យទី១ ទៅបង្ហាញឈានទៅដល់ការឃាត់ខ្លួនជនសង្ស័យទី២បាននៅចំណុច ភូមិអន្លង់ក្ងាន សង្កាត់ឃ្មួញ ខណ្ឌសែនសុខ ដោយធ្វើការឆែកឆេររកឃើញសម្ភារ:សម្រាប់ជក់គ្រឿងញៀនមួយចំនួន,ទុយោកែច្នៃសម្រាប់ចែករំលែកគ្រឿងញៀនមួយចំនួន រួមនឹងដាវស៊ាំម៉ូរ៉ៃ ១ដើមផងដែរ។

នៅចំពោះមុខសមត្ថកិច្ចជនសង្ស័យទី២ បានឆ្លើយសារភាពថា ខ្លួនពិតជាបាន លក់គ្រឿងញៀន ទៅឲ្យជនសង្ស័យទី១បានចំនួន២លើក ពិតប្រាកដមែន ចំណែកថ្នាំញៀនដែលសល់ គឺទុកសម្រាប់ជក់ខ្លួនឯង។

បច្ចុប្បន្នជនសង្ស័យខាងលើ រួមនឹងវត្ថុតាង ត្រូវបានសមត្ថកិច្ចធ្វើការសាកសួរ និងកសាងសំណុំរឿងបញ្ជូនខ្លួនទៅកាន់ អធិការដ្ឋាននគរបាលខណ្ឌសែនសុខ កសាងសំណុំរឿងបន្តចាត់ការតាមនីតិវិធីច្បាប់៕