Post News Media ព័ត៌មានជាតិ ឪពុកខឹងកូនប្រ...

ឪពុកខឹងកូនប្រើប្រាស់គ្រឿងញៀន ប្តឹងសមត្ថកិច្ចឲ្យចាប់ខ្លួន!

ចែកចាយបន្ត

កណ្តាល: កូនអកតញ្ញូ ដែលឪពុកម្តាយ និយាយមិនស្តាប់ ត្រូវបាននគរបាលប៉ុស្តិ៍ភូមិធំ ធ្វើការឃាត់ខ្លួន ខណ:ដែលសមត្ថកិច្ចទទួលបានពាក្យបណ្តឹង ពីឪពុករបស់ជនសង្ស័យថា មានការប្រើប្រាស់គ្រឿងញៀន។

ការឃាត់ខ្លួននេះ បានធ្វើឡើងកាលពីវេលាម៉ោង១០ និង០៥នាទី ថ្ងៃទី១៥ ខែឧសភា ឆ្នាំ២០១៧ ចំណុចភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល។

បើតាមលោកវរសេនីយ៍ ប៉ា សំអិត អធិការនគរបាលស្រុកកៀនស្វាយបានប្រាប់ឲ្យដឹងថា ជនសង្ស័យ៣នាក់ ទី១-ឈ្មោះ ប៊ុន ធឿនប៊ុនណា ភេទប្រុស អាយុ១៩ឆ្នាំ មុខរបរកម្មករ, ទី២-ឈ្មោះ សួន ស៊ីណាត ភេទប្រុស២២ឆ្នាំ មុខរបរកសិករ និងទី៣-ឈ្មោះ ពិន ពិទូ ភេទប្រុស អាយុ២៤ឆ្នាំ អ្នកទាំង៣រស់នៅភូមិកោះប្រាក់ឃុំភូមិធំ ស្រុកកៀនស្វាយ ខេត្តកណ្តាល។

វត្ថុតាងចាប់យក៖ កញ្ចប់ថ្នាំ ប្រើប្រាស់រួច ចំនួន១, ដែកកេះ ចំនួន២, ដបទឹកសុទ្ធ ចំនួន១,កញ្ចប់បារីMEVIUS ១កញ្ចប់។

លោកអធិការបានប្រាប់ឲ្យដឹងទៀតថា មុនពេលកើតហេតុកម្លាំងនគរបាលប៉ុស្តិ៍ភូមិធំ បានចុះល្បាតក្នុងភូមិសាស្ត្រពេលនោះ មានឪពុកម្តាយរបស់ជនសង្ស័យឈ្មោះពិន ពិទូបានរាយការណ៍ថា ៖កូនរបស់ខ្លួនកំពុងប្រើប្រាស់គ្រឿងញៀន នៅក្រោមផ្ទះរបស់គាត់ ភ្លាមនោះនគរបាលប៉ុស្តិ៍បានចុះទៅដល់កន្លែងកើតហេតុ ឃើញជនសង្ស័យកំពុងប្រើប្រាស់សារធាតុញៀនរួចក៏បានឃាត់ខ្លួន ជនសង្ស័យទាំង ៣នាក់មកប៉ុស្តិដើម្បីសួរនាំនិងបញ្ជូនមកអធិការដ្ឋានបន្តចាត់ការតាមនីតិវិធីច្បាប់៕