Post News Media ព័ត៌មានជាតិ កាមរីហើមបើកសុ...

កាមរីហើមបើកសុខៗរបូតកង់បុកម៉ូតូ នារីម្នាក់របួសបាក់ជើង

ចែកចាយបន្ត

កណ្តាល: ករណីគ្រោះថ្នាក់ចរាចណ៍រថយន្តរបូតកង់ ទៅបុកម៉ូតូ បណ្តាលឲ្យនារីម្នាក់បាក់ជើង របួសធ្ងន់។

កើតហេតុវេលាម៉ោង១១និង៤៥នាទីព្រឹក ថ្ងៃទី២៤ ខែឧសភា ឆ្នាំ២០១៧ នៅចំណុចលើកំណាត់ផ្លូវជាតិលេខ៥ ចន្លោះkmលេខ៣៤-៣៥ ភូមិចេតីយ៍ថ្មី ឃុំវិហារលួង ស្រុកពញាឮ ខេត្តកណ្តាល។

មុនពេលកើតហេតុ គេឃើញមានរថយន្ត១គ្រឿង ម៉ាកតូយ៉ូតា កាមរី(ហើម) ពណ៌បៃតងចាស់ ពាក់ស្លាកលេខ ភ្នំពេញ2I-1421 បើកបរក្នុងទិសដៅពីកើតទៅលិច ភ្នំពេញទៅកំពង់ឆ្នាំង ដោយឈ្មោះ រឹម សារ៉ន ភេទប្រុស អាយុ៤១ឆ្នាំ មានទីលំនៅ ទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង លុះមកដល់កន្លែងកើតហេតុបានរបូតកង់ខាងមុខ ផ្នែកខាងឆ្វេង ហើយកង់នោះក៏បានរមៀលទៅបុកនឹងម៉ូតូ១គ្រឿងដែលកំពង់បើកបរបញ្ច្រាសទិសគ្នា ម៉ាកហុងដា សេ១២៥ ពណ៌ខ្មៅ ពាក់ស្លាក ពោធិ៍សាត់1C-5019 បើកបរដោយឈ្មោះ ជា វណ្ណ: ភេទប្រុស អាយុ២២ឆ្នាំ មានទីលំនៅ ភូមិចេកចៅ ឃុំកំពង់ពោធិ៍ ស្រុកក្រគរ ខេត្ត ពោធិ៍សាត់ អ្នករួមដំណើរ ឈ្មោះ ជា មុំ ភេទស្រី អាយុ៣០ឆ្នាំ ស្នាក់នៅជាមួយគ្នា រងរបួសបាក់ជើងឆ្វេង ត្រូវបានអ្នកធ្វើដំណើរតាមផ្លូវ ដឹកបញ្ជូនទៅកាន់គ្លីនិកឯកជន ។

ក្រោយពេលកើតហេតុកម្លាំងផ្នែកជំនាញ បានចុះដល់កន្លែងកើតហេតុបន្ទាន់ ធ្វើការគូសដៅ វាស់វែងកន្លែងកើតហេតុ រួចនាំយកមធ្យោបាយពាក់ព័ន្ធមករក្សាទុកជាបណ្តោះអាសន្ន នៅអធិការដ្ឋាន ដើម្បីកសាងសំណុំរឿងតាមនីតិវិធីនៃច្បាប់៕