Post News Media ព័ត៌មានជាតិ ជិះម៉ូតូមិនប្...

ជិះម៉ូតូមិនប្រកាន់ស្តាំ! បុកគ្នាពេញទំហឹង មនុស្ស៤នាក់របួសធ្ងន់ស្រាល

ចែកចាយបន្ត

ប៉ៃលិន: នៅវេលាម៉ោង៩យប់ ថ្ងៃទី១៥ ខែមិថុនា ឆ្នាំ២០១៧ មានករណីគ្រោះថ្នាក់ចរាចរណ៍ រវាងម៉ូតូបុកម៉ូតូ នៅផ្លូវជាតិ៥៧ ចំណុចភូមិអូរប្រើស សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន។

ជនរងគ្រោះឈ្មោះ លាញ ណូ ភេទប្រុស អាយុ២៨ឆ្នាំ រស់នៅភូមិអូរប្រើស សង្កាត់អូរតាវ៉ៅ ខេត្តប៉ៃលិន របួសស្រាល ជិះម៉ូតូម៉ាកសង់ឌ្រីម ពណ៌ខ្មៅ ពាក់ស្លាកលេខ បន្ទាយមានជ័យ 1B-6808។ និងអ្នករួមដំណើរឈ្មោះ ដួង សាវេត ភេទប្រុស អាយុ១៤ឆ្នាំ រស់នៅជាមួយគ្នា របួសស្រាល។

ចំណែកអ្នកជិះម៉ូតូ១គ្រឿងទៀតមានឈ្មោះ វៀល ផាន ភេទប្រុស អាយុ៣០ឆ្នាំ រស់នៅភូមិព្រៃមង្គល់ សង្កាត់អូរតាវ៉ៅ ខេត្តប៉ៃលិ របួសធ្ងន់ ។ ជិះម៉ូតូម៉ាក ហុងដា ឌ្រីម ពណ៌ខ្មៅ ពាក់ស្លាកលេខ បាត់ដំបង 1C-8179 និងអ្នករួមដំណើឈ្មោះ យិន សៀក ភេទប្រុស អាយុ២៦ឆ្នាំ រស់នៅភូមិព្រៃមង្គល់ សង្កាត់អូរតាវ៉ៅ ខេត្តប៉ៃលិន របួសស្រាល ។

មូលហេតុ បណ្តាលមកពីជិះម៉ូតូមិនប្រកាន់ស្តាំ។

ក្រោយពីកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើការវាស់វែង និងនាំយកម៉ូតូទាំង២គ្រឿងមករក្សាទុក រង់ចាំការដោះស្រាយគ្នាពេលក្រោយ៕