Post News Media ព័ត៌មានជាតិ ឃាត់ខ្លួនបុរស...

ឃាត់ខ្លួនបុរសម្នាក់ ពាក់ពន្ធ័ជួញដូរដោយខុសច្បាប់នូវសារធាតុញៀន

ចែកចាយបន្ត

បាត់ដំបង: ជនសង្ស័យម្នាក់ ត្រូវបានសមត្ថកិច្ចឃាត់ខ្លួន ពាក់ពន្ធ័ករណីរក្សាទុកដឹកជញ្ជូន និងជួញដូរដោយខុសច្បាប់នូវសារធាតុញៀន។

ការឃាត់ខ្លួនបានធ្វើឡើងកាលពីវេលាម៉ោង១ និង២០នាទីរសៀល ថ្ងៃទី១៦ ខែមិថុនា ឆ្នាំ ២០១៧ កម្លាំងកងរាជអាវុធហត្ថស្រុកមោងឬស្សី សហការជាមួយការិយាល័យបទល្មើសគ្រឿងញៀន ដឹកនាំដោយលោកអនុសេនីយ៍ត្រី វ៉ាង ពិសិដ្ឋ បានចុះទៅដល់ចំណុចភូមិយឺនមាន ឃុំឫស្សីក្រាំង ស្រុកមោងឫស្សី ខេត្តបាត់ដំបង ធ្វើការបង្ក្រាបនិងឃាត់ខ្លួន ជនសង្ស័យឈ្មោះ រុន គីវ ហៅខៀវ ភេទប្រុស អាយុ២៤ឆ្នាំ មុខរបរធ្វើស្រែ រស់នៅភូមិយឺនមាន ឃុំឫស្សីក្រាំង ស្រុកមោងឫស្សី ខេត្តបាត់ដំបង និងឆែកឆេលំនៅដ្ឋានម្តាយឈ្មោះ ទួន ឡី ភេទស្រី អាយុ ៥៦ឆ្នាំ មុខរបរធ្វើស្រែ។

ក្នុងនោះដកហូតបាន គ្រឿងញៀនប្រភេទ ម៉ាទឹកកក ម្សៅក្រាមសថ្លា១ កញ្ចប់ ទម្ងន់ ០,៦៩ក្រាម,ទូរសព្ទដៃ ៦គ្រឿង,ម៉ូតូ ១គ្រឿង ម៉ាកភូសា ពណ៌ខ្មៅ បិតតែមបៃតង ស៊េរីឆ្នាំ២០១៣ គ្មានស្លាកលេខ,ជញ្ជីងសម្រាប់ថ្លឹងគ្រឿងញៀន១គ្រឿង,ឧបករណ៍សម្រាប់ជក់គ្រឿងញៀន១, កូនថង់ប្លាស្ទិចសម្រាប់ច្រកគ្រឿងញៀន៩៨ថង់ និងវិក័យបត្រផ្ទេរប្រាក់វីង ថ្លៃទិញគ្រឿងញៀន២សន្លឹក។

ខណ:ដែលជនសង្ស័យកំពុងឈរចែកចាយនិងប្រើប្រាស់គ្រឿងញៀន នៅខាងក្រោយផ្ទះបងប្រុស ឈ្មោះ សូ (ក្នុងភូមិយឺនមាន)។
បច្ចុប្បន្ន ជនសង្ស័យ និង វត្ថុតាង ត្រូវបានឃាត់ខ្លួន និងរក្សាទុកនៅមូលដ្ឋាន កងរាជអាវុធហត្ថ ស្រុកមោងឫស្សីដើម្បីកសាងសំណុំរឿងតាមនីតិវិធី៕

ចែកចាយបន្ត