Post News Media ព័ត៌មានជាតិ កាមរីបាឡែនបើក...

កាមរីបាឡែនបើកមិនប្រយត្ន័បុកតាក់ស៊ីក្រហមពេញទំហឹង ដាច់កង់ម្ខាង

ចែកចាយបន្ត

ភ្នំពេញ: រថយន្តកាមរីបាឡែនមួយគ្រឿង បើកបរល្បឿនលឿនមិនប្រុងប្រយ័ត្ន ផ្លូវបែកជាបួន បានបើកទៅបុករថយន្តតាក់ស៊ីក្រហម មួយគ្រឿងផ្សេងទៀតពេញទំហឹង បណ្តាលឲ្យរថយន្តតាក់ស៊ីក្រហមដាច់កង់ខាងស្តាំរងការខូចខាត ចំណែកក្បាលរថយន្តជាប់គ្នាដោះមិនចេញ។

ហេតុការណ៍នេះបានកើតឡើងកាលពីវេលាម៉ោង១១និង៥០នាទីយប់ ថ្ងែទី២១ ខែមិថុនា ឆ្នាំ២០១៧ តាមបណ្តោយផ្លូវលេខ២៧៨ កែងនិងផ្លូវលេខ១១៣ ស្ថិតក្នុងសង្កាត់បឹងកេងកង២ ខណ្ឌចំការមន រាជធានីភ្នំពេញ ។

យោងតាមការបញ្ជាក់ពីអ្នកបើកបររថយន្តតាក់ស៊ីក្រហម បានឲ្យដឹងថា មុនពេលកើតហេតុ គាត់បានបើកបររថយន្តតាក់ស៊ីម៉ែត្រមួយគ្រឿង ពណ៌ក្រហម ពាក់ស្លាកលេខ ភ្នំពេញ 2AA-3543 ដឹកភ្ញៀវជានារីម្នាក់ បានធ្វើដំណើរតាមបណ្តោយផ្លូវលេខ១១៣ ក្នុងទិសដៅពីជើងទៅត្បូង លុះមកដល់កន្លែងកើតហេតុ ផ្លូវបែកជាបួន ក៏មានរថយន្តកាមរីបាឡែនមួយគ្រឿង ពណ៌ស ពាក់ស្លាកលេខ ភ្នំពេញ 2W- 6349 បើកបរដោយបុរសម្នាក់ស្រវឹងជោគជាំ តាមបណ្តោយផ្លូវលេខ២៧៨ ក្នុងទិសដៅពីលិចទៅកើត ក្នុងល្បឿនយ៉ាងលឿន ពេលមកដល់ចំណុចកើតហេតុ មិនជាន់ហ្វ្រាំងបន្ថយល្បឿន ក៏បានបើកមកបុករថយន្តតាក់ស៊ីក្រហម ចំពីមុខពេញទំហឹង បណ្តាលឲ្យរថយន្តតាក់ស៊ីដាច់កង់ខាងស្តាំរងការខូចខាត ចំណែក្បាលរថយន្តទាំង២គ្រឿងជាប់គ្នាដោះមិនចេញ ប៉ុន្តែមិនបង្កឲ្យនរណាម្នាក់រងរបួសនោះឡើយ ។

ក្រោយពេលកើតហេតុភាគីទាំងសងខាងនិយាយមិនត្រូវគ្នា ទើបសម្រេចឲ្យសមត្ថកិច្ចចរាចរណ៍ជំនាញធ្វើការវាស់វែងយករថយន្តទាំង២គ្រឿងទៅរក្សាទុកនៅការិយាល័យស្នងការនគរបាលរាជធានីភ្នំពេញ ដើម្បីរង់ចាំការដោះស្រាយនៅពេលក្រោយតាមផ្លូវច្បាប់បន្តទៀត៕