Post News Media ព័ត៌មានជាតិ ខ្មែរឥស្លាមទា...

ខ្មែរឥស្លាមទាញដាវដេញកាប់បុរសជនជាតិវៀតណាមត្រូវសមត្ថកិច្ចឃាត់ខ្លួន

ចែកចាយបន្ត

ភ្នំពេញ: ជនសង្ស័យជាជនជាតិខ្មែរឥស្លាមម្នាក់ ត្រូវបានសមត្ថកិច្ចនគរបាលប៉ុស្តិ៍ច្រាំងចំរេះ២ ធ្វើការឃាត់ខ្លួនក្រោយពីស្រវឹងទាញដាវដេញកាប់បុរសជនជាតិវៀតណាម ។

ហេតុការណ៍នេះបានកើតឡើងកាលពីវេលាម៉ោង៥និង៣០នាទី ល្ងាចថ្ងៃទី២១ ខែមិថុនា ឆ្នាំ២០១៧ ស្ថិតនៅចំណុចមាត់ទន្លេ ក្រុម៦ ភូមិក សង្កាត់ច្រាំងចំរេះ២ ខណ្ឌឫស្សីកែវ រាជធានីភ្នំពេញ។

សមត្ថកិច្ចបានឲ្យដឹងផងដែរថា ជនរងគ្រោះដែលត្រូវជនបង្កទាញដាវដេញកាប់ខាងលើនេះ មានឈ្មោះ សុខ យៀ ភេទប្រុស អាយុ២៤ឆ្នាំ ជនជាតិវៀតណាម ស្នាក់នៅផ្ទះគ្មានលេខ ក្រុម៦ ភូមិក សង្កាត់ច្រាំងចំរេះ២ ខណ្ឌឫស្សីកែវ មុខរបរកម្មករសំណង់(ពុំមានរងរបួស) ។ ចំណែកជនសង្ស័យមានឈ្មោះ ណុះ រ៉ហ្វា ភេទប្រុស អាយុ៣៩ឆ្នាំ ជនជាតិខ្មែឥស្លាម ស្នាក់នៅផ្ទះគ្មានលេខ ក្រុម៦ ភូមិក សង្កាត់ច្រាំងចំរេះ២ ខណ្ឌឫស្សីកែវ មុខរបរកម្មករ។

តាមប្រភពព័ត៌មានបានឲ្យដឹងថា មុនពេលកើតហេតុ ជនសង្ស័យស្រវឹងស្រាបានកាន់ដាវកែច្នៃដេញកាប់ទៅលើជនរងគ្រោះតែសំណាងជនរងគ្រោះដឹងខ្លួនទាន់ក៏គេច ទើបក្រោយពីកើតហេតុ ជនរងគ្រោះបានមកដាក់ពាក្យបណ្តឹងដើម្បីឲ្យសមត្ថកិច្ចឃាត់ខ្លួនជនសង្ស័យរូបនេះតែម្តង ដោយដកហូតបាន ដាវកែច្នៃចំនួន ១ដើមប្រវែង៦តឹក។

បច្ចុប្បន្នជនសង្ស័យខាងលើ ត្រូវបានសមត្ថកិច្ចធ្វើការសាកសួរនិងកសាងសំណុំរឿងបញ្ជូនខ្លួនទៅកាន់ អធិការដ្ឋាននគរបាលខណ្ឌឬស្សីកែវ ដើម្បីកសាងសំណុំរឿងបន្តបញ្ជូនខ្លួនទៅកាន់តុលាការចាត់ការតាមផ្លូវច្បាប់៕