Post News Media ព័ត៌មានជាតិ ជនសង្ស័យម្នាក...

ជនសង្ស័យម្នាក់ត្រូវបានសមត្ថកិច្ចឃាត់ខ្លួន ពីបទលួចមានស្ថានទំងន់ទោសដោយប្រើអំពើហិង្សា!

ចែកចាយបន្ត

ភ្នំពេញ: កម្លាំងនគរបាលប៉ុសិ៍ផ្សារដើមថ្កូវបានឃាត់ខ្លួនជនសង្ស័យម្នាក់តាមដីការ ពីបទលួចមានស្ថានទំងន់ទោសដោយការប្រើអំពើហិង្សា។

ប្រតិបត្តិការនេះបានធ្វើឡើងនៅវេលាម៉ោង៩និង៣០នាទីព្រឹកថ្ងៃទី២២ ខែមិថុនា ឆ្នាំ២០១៧ ត្រង់ចំណុចមុខផ្ទះគ្មានលេខ ផ្លូវ១០១ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។

ប្រភពព័ត៌មានបានឲ្យដឹងថា ជនសង្ស័យមានឈ្មោះ សំ ឡេង ភេទប្រុស អាយុ២៣ឆ្នាំ ស្លាក់នៅផ្ទះជួលគ្មានលេខ ផ្លូវ១០១ សង្កាត់ផ្សាដើមថ្កូវ ខណ្ឌចំការមន រាជធានីភ្នំពេញ។

ប្រភពដដែលបានបន្តថា ប្រតិបត្តិការឃាត់ខ្លួនជនសង្ស័យខាងលើនេះ គឺជាប់ពាក់ព័ន្ធករណីលួចមានស្ថានទំងន់ទោសដោយប្រើអំពើហិង្សា ដែលបានប្រព្រឹត្តទៅនៅចំណុចផ្ទះជួល ផ្លូវព្រះមុនីវង្ស ក្រុម៣២ ក្នុងសង្កាត់ផ្សាដើមថ្កូវ ខណ្ឌចំការមន រាជធានីភ្នំពេញ កាលពីថ្ងៃទី១៧ ខែមករា ឆ្នាំ២០១៦កន្លងទៅ។

បច្ចុប្បន្នជនសង្ស័យត្រូវបានបញ្ជូនទៅកាន់អធិការដ្ឋាននគរបាលខណ្ឌចំការមនដើម្បីធ្វើការសាកសួរនិងកសាងសំណុំរឿងដោះស្រាយតាមនីតិវិធីច្បាប់៕