Post News Media ព័ត៌មានជាតិ Update៖ មិនគិ...

Update៖ មិនគិតពីខំរៀន! សិស្សវិទ្យាល័យ ជា ស៊ីម សាមគ្គី បន្លំលួចខោអាវគេ ត្រូវសមត្ថិកច្ចឃាត់ខ្លួន!!

ចែកចាយបន្ត

ភ្នំពេញ: យុវតីម្នាក់ ដែលជាសិស្សសាលាវិទ្យាល័យ ជា ស៊ីម សាមគ្គី បន្លំចូលលួចខោអាវរបស់អាជីវករ ក្នុងផ្សារស្ទឹងមានជ័យចាស់ ត្រូវបានម្ចាស់គេតាមទាន់ចាប់ប្រគល់ឲ្យសមត្ថិកច្ចប៉ុស្តិ៍នគរបាលស្ទឹងមានជ័យធ្វើការអប់រំ។

ហេតុការណ៍ភ្ញាក់ផ្អើលនេះកើតឡើងកាលពីវេលាម៉ោង១០ និង១៥នាទីព្រឹក ថ្ងៃទី២២ ខែមិថុនា ឆ្នាំ២០១៧ ស្ថិតនៅក្នុងផ្សារស្ទឹងមានជ័យចាស់ នៅភូមិមានជ័យ សង្កាត់ស្ទឹងមានជ័យ ខណ្ឌមានជ័យ។

យុវតីដែលម្ចាស់អ្នកលក់ខោអាវបានឃាត់ខ្លួនខាងលើនេះមានឈ្មោះ ស.ស.ណអាយុ១៧ឆ្នាំ ស្នាក់នៅភូមិទ្រា សង្កាត់ស្ទឹងមានជ័យ ជាសិស្សរៀនថ្នាក់ទី១១ នៅវិទ្យាល័យ ជាស៊ីម សាមគ្គី។ ចំណែកម្ចាស់ខោអាវមានឈ្មោះ ប៉ែន មករា ភេទស្រី អាយុ៣៤ឆ្នាំ មុខរបរលក់ខោអាវ ស្នាក់នៅភូមិព្រែកទល់ សង្កាត់ស្ទឹងមានជ័យ ខណ្ឌមានជ័យ។

យោងតាមសម្ដីពីម្ចាស់ខោអាវបានឲ្យដឹងថា មុនពេលកើតហេតុ គាត់បានឃើញយុវតីខាងលើបានដើរចូលមកក្នុងតូបរបស់គាត់ រួចហើយបានមើលខោអាវ ពេលដែលមើលចុះឡើងៗ ស្រាប់តែយុវតីខាងលើបានបន្លំយកខោអាវរបស់គាត់ដាក់ចូលក្នុងកាបូបស្ពាយរបស់ខ្លួន ហើយបម្រុងគេចខ្លួនពេលនោះគាត់ឃើញទាន់ក៏បានស្រែកឆោរឡោផ្អើលដល់អាជីវករដែលលក់នៅក្បែរគ្នា រួចក៏ចាប់បាន ពេលនោះក្រុមអាជីវករពួកគាត់មិនបានវាយធ្វើបាបទៅលើយុវតីនោះទេ និងបានរាយការណ៍ប្រាប់មកសមត្ថកិច្ចប៉ុស្តិ៍នគរបាលស្ទឹងមានជ័យយកមកសួរនាំ។

ពេលដែលមកដល់ប៉ុស្តិ៍នគរបាលស្ទឹងមានជ័យ ម្ចាស់ខោអាវមិនបានដាក់ពាក្យបណ្ដឹងទេ ប្រគល់ឲ្យសមត្ថកិច្ចធ្វើការអប់រំ ក្រោយមកសមត្ថកិច្ចក៏បានធ្វើកិច្ចសន្យាអប់រំនិងបានឲ្យយុវតីខាងលើត្រលប់ទៅផ្ទះវិញ៕