Post News Media ព័ត៌មានជាតិ ប្ដីប្រពន្ធពី...

ប្ដីប្រពន្ធពីរនាក់ ត្រូវរថយន្តទេសចរណ៍គៀរ បណ្ដាលឲ្យរងរបួស

ចែកចាយបន្ត

ពោធិ៍សាត់: លោកអធិការស្រុកក្រគរ បានប្រាប់ Post News ថា នៅវេលាម៉ោង ៩ និង ០៥ នាទីព្រឹកថ្ងៃទី ២៥ ខែមិថុនា មានករណីគ្រោះថ្នាក់ចរាចរណ៍មួយ បណ្ដាលឲ្យរបួសធ្ងន់ស្រាល ០២ នាក់ នៅលើផ្លូវជាតិលេខ ៥ ចន្លោះគីឡូម៉ែត្រលេខ ១៥២ និង១៥៣ មុខផ្សារក្បាលត្រាច ស្ថិតនៅភូមិផ្សារ ឃុំក្បាលត្រាច ស្រុកក្រគរ ខេត្តពោធិ៍សាត់។

ម៉ូតូជនរងគ្រោះធុន C 125 ពណ៌ខ្មៅ ស៊េរី ២០១៦ ពាក់ស្លាកលេខ ពោធិ៍សាត់1G 4663 បើកបរពីលិចទៅកើត មានដឹកប្រពន្ធពីក្រោយ ស្រាប់តែមានរថយន្តទេសចរណ៍ដឹកអ្នកដំណើរ​ ធ្វើដំណើរស្របទិសគ្នា បានគៀរម៉ូតូជ​រងគ្រោះ បណ្តាលឲ្យដួលនៅ​នឹងកន្លែងកើតហេតុ។

រថយន្តបង្ក ពណ៌ស ឆ្នូតក្រហម ​ពាក់ស្លាកលេខ ភ្នំពេញ 3B 5673 បើកបរដោយឈ្មោះ ឈឿន ពេជ្រ អាយុ ៤៩​ឆ្នាំ ភេទ​ប្រុស ជនជាតិខ្មែរ នៅភូមិ២ ឃុំកំពង់ស្វាយ​ ស្រុកសេរីសោភណ្ឌ័ ខេត្តបន្ទាយមានជ័យ ។

ជនរងគ្រោះមានគ្នា ០២ នាក់ ទី១- ឈ្មោះ ចាប សំរិទ្ធ អាយុ 5០ ឆ្នាំ ភេទប្រុស ជនជាតិខ្មែរ អ្នកបើកបរម៉ូតូ
របួសស្រាល (ប្តី) និងទី២​- ឈ្មោះ វិន ចាន់ណារ៉ា អាយុ ៣៥ ឆ្នាំ ភេទស្រី ជនជាតិខ្មែរ របួសធ្ងន់ (ប្រពន្ធ) ទម្ងន់ ២ខែ រឹងត្រគៀកខាងស្តាំមួយចំហៀង កំពុងសម្រាកព្យាបាលនៅមន្ទីរពេទ្យស្រុកក្រគរទាំងពីរនាក់ប្តីប្រពន្ធ។

រថយន្តបន្តដំណើរទៅមុខទៀត ម៉ូតូជនរងគ្រោះរក្សាទុក នៅអធិការដ្ឋាននគរបាលស្រុក ហើយករណីរឿងនេះដែរ កម្លាំងជំនាញចរាចរ កំពុងរៀបចំនិតិវិធី៕