Post News Media ព័ត៌មានជាតិ ឃាត់ជនសង្ស័យព...

ឃាត់ជនសង្ស័យពីរនាក់ ជាប់ពាក់ព័ន្ធនឹងករណីគ្រឿងញៀន

ចែកចាយបន្ត

កណ្ដាល: បើតាមសមត្ថកិច្ច បានឲ្យដឹងថា កាលពីវេលាម៉ោង ៦និង១០នាទីល្ងាចថ្ងៃទី២៤ ខែមិថុនា បានឃាត់ខ្លួនជនសង្ស័យពីរ ជាប់ពាក់ព័ន្ធនឹងករណីរក្សាទុក និងប្រើប្រាស់សារធាតុញៀនខុសច្បាប់ នៅចំណុចលើផ្លូវជាតិលេខ ១៤ មុខធនាគាអំម្រិត ក្នុងភូមិព្រែកដាច់ ឃុំព្រែកដាច់ ស្រុកលើកដែក ខេត្តកណ្តាល។

ជនសង្សយ័ទាំងពីរ ទី១. ឈ្មោះ ឌឹម ប្រុស ហៅដា ភេទប្រុស អាយុ១៧ឆ្នាំ ជនជាតិខ្មែរ មុខរបរធ្វើចំការ មានទីលំនៅៗភូមិព្រែកតូច ឃុំព្រែកដាច់ ស្រុកលើកដែក ខេត្តកណ្តាល និងទី២.ឈ្មោះ ជឿន ណារឿន ហៅអូន ភេទប្រុស ជនជាតិខ្មែរ មុខរបរធ្វើចំការ មានទីលំនៅៗ ភូមិឃុំជាមួយគ្នា។

វត្ថុតាងចាប់យកមាន៖ ម៉្សៅក្រាម ពណ៌សថ្លា សង្ស័យសារធាតុញៀន (ម៉ាទឹកកក) ចំនួន០២កញ្ចប់តូច និងកាបូបដៃពណ៌សូកូឡា មានឆ្នូតក្រហមចំនួន០១។

ប្រភពពីសមត្ថកិច្ច បានប្រាប់ឲ្យដឹងថា កាលពីថ្ងៃទី២៤ ខែមិថុនា ឆ្នាំ២០១៧ វេលាម៉ោង៦ និង១០នាទី កម្លាំងនគរបាលប៉ុស្តិរដ្ឋបាលព្រែកដាច់ សហការជាមួយកម្លាំងផ្នែកជំនាញ បានទទួលព័ត៌មានពីប្រជាពលរដ្ឋថា ជនសង្សយ័ទាំង០២នាក់ខាងលើ បានចុះទៅឃុំពាមរាំង ដើម្បីទៅទិញថ្នាំញៀនយកមកប្រើប្រាស់ ភ្លាមៗនោះកម្លាំងប៉ុស្តិ៍ និងជំនាញស្រុកក៏បានចេញចាំស្ទាក់មុខសញ្ញាខាងលើ លុះនៅពេលមុខសញ្ញាសង្សយ័ទាំ០២ នាក់នេះ មកដល់ចំណុចមុខធនាគាអំម្រិត ស្ថិតក្នុងភូមិព្រែកដាច់ ក៏ត្រូវកម្លាំងធ្វើការឃាត់ខ្លួន ហើយត្រួតពិនិត្យ ដោយបានរកឃើញនូវម៉្សៅក្រាមពណ៌សថ្លា សង្សយ័សារធាតុញៀន(ម៉ាទឹកកក)ចំនួន០២កញ្ចប់តូច ដែលដាក់នៅក្នុងកាបូបដៃ។ ពេលនោះកម្លាំងសមត្ថកិច្ច ក៏បាននាំខ្លួនជនសង្សយ័ទាំង០២នាក់ ព្រមទាំងវត្ថុតាងបញ្ជូនមកផ្នែកជំនាញប្រឆាំងគ្រឿងញៀន នៃអធិកាដ្ឋាននគរបាលស្រុកលើកដែក ដើម្បីបន្តចាត់ការកសាងសំណុំរឿងតាមនីតិវិធី ៕