Post News Media ព័ត៌មានជាតិ អណិតណាស់! ដោយ...

អណិតណាស់! ដោយសារតែស្រាធ្វើឲ្យបុរសម្នាក់លង់ទឹកស្លាប់

ចែកចាយបន្ត

កណ្តាល: បុរសម្នាក់ចូលចិត្តហូបស្រាជាប្រចាំរហូតបាត់ពីផ្ទះអស់មួយថ្ងៃ ហើយក្រុមគ្រួសារដើររក តែរកមិនឃើញ ស្រាប់តែស្ត្រីម្នាក់ចុះទៅបេះឈូកនៅក្នុងស្រះទឹកមួយកន្លែង ក៏ប្រទះឃើញជនរងគ្រោះស្លាប់អណ្តែតទឹក ទើបទៅប្រាប់សាច់ញ្ញាតិនិងរាយការណ៍ជូនសមត្ថកិច្ចចុះត្រួតពិនិត្យឃើញថាជនរងគ្រោះពិតជាស្លាប់ដោយសារលង់ទឹកពិតប្រាកដមែន។

ហេតុការណ៍នេះកើតឡើងនៅថ្ងៃទី២៥ ខែមិថុនា ឆ្នាំ២០១៧​ វេលាម៉ោង២និង៤០នាទីរសៀល នៅចំណុច ភូមិទួលត្នោត ឃុំគគីរ ស្រុកកៀនស្វាយ ខេត្តកណ្ដាល។

ជនរងគ្រោះឈ្មោះ ឯម បូរិន ភេទប្រុស អាយុ៤២ឆ្នាំ ជនជាតិខ្មែរ មុខរបរ​មិនពិតប្រាកដ មានទីលំនៅ ភូមិទួលត្នោត ឃុំគគីរ ស្រុកកៀនស្វាយ ខេត្តកណ្តាល។

តាមប្រភពព័ត៌មានបានឱ្យដឹងថា ជនរងគ្រោះជាមនុស្សញៀនស្រាតែងតែហូបស្រាជាប្រចាំ ហើយតាមប្រភពពីសាច់ញ្ញាតិបានប្រាប់ឱ្យដឹងថា ជនរងគ្រោះខាងលើ បានបាត់ពីផ្ទះកាលពីថ្ងៃទី២៤ ខែមិថុនា ឆ្នាំ២០១៧ ហើយអ្នកផ្ទះបានដើររកដែរ តែរកមិនឃើញរហូតដល់ថ្ងៃទី២៥ ខែមិថុនា ឆ្នាំ២០១៧ វេលាម៉ោង២និង៤០នាទី ទើបឈ្មោះ សុំ ស្រីនឿន ភេទស្រី អាយុ៤២ឆ្នាំ ជនជាតិខ្មែរ មុខរបរកសិករ មានទីលំនៅភូមិទួលត្នោត ឃុំគគីរ ស្រុកកៀនស្វាយ ខេត្តកណ្ដាល បានចុះទៅបេះស្លឹកឈូក ពេលគាត់ត្រឡប់មកវិញ ក៏ប្រទះឃើញសាកសពរបស់ឈ្មោះ ឯម បូរិន ភេទប្រុស អណ្ដើតនៅក្នុងទឹក ហើយបានប្រាប់មកសាច់ញ្ញាតិ បន្ទាប់មកសាច់ញ្ញាតិក៏បានផ្ដល់ដំណឹងមកប៉ុស្តិ៍នគរបាលរដ្ឋបាលគគីរ ក្រោយពីទទួលបានព័ត៌មាន កម្លាំងប៉ុស្តិ៍គគីរសហការជាមួយកម្លាំងជំនាញបានចុះដល់កន្លែងកើតហេតុ ហើយពិនិត្យឃើញថាសពខាងលើ ពិតជាលង់ទឹកស្លាប់ពិតប្រាកដមែន ចំណែកឯក្រុមគ្រួសារសព បានឯកភាពគ្នាទទួលស្គាល់ថាសាកសពរបស់ឈ្មោះ ឯម បូរិន ភេទប្រុស ពិតជាស្លាប់ដោយសារលង់ទឹកមែន។

បច្ចុប្បន្នសាកសពខាងលើបានប្រគល់ជូនក្រុមគ្រួសារដើម្បីធ្វើបុណ្យតាមប្រពៃណី៕

ចែកចាយបន្ត