Post News Media ព័ត៌មានជាតិ បញ្ជូនខ្លួនបុ...

បញ្ជូនខ្លួនបុរសម្នាក់ទៅតុលាការរឿង គំរាមបង្ហោះវីដេអូ រួមភេទបើជនរងគ្រោះមិនឲ្យលុយ

ចែកចាយបន្ត

ភ្នំពេញ: នៅព្រឹកថ្ងៃទី២៦ ខែមិថុនា ឆ្នាំ២០១៧នេះ សមត្ថកិច្ចការិយាល័យប្រឆាំងការជួញដូរមនុស្ស និងការពារអនីតិជន បានបញ្ជូនខ្លួនជនសង្ស័យម្នាក់ ទៅសាលាដំបូងរាជធានីភ្នំពេញដើម្បីចាត់ការបន្តតាមនីតិវិធី។

ប្រភពពីសមត្ថកិច្ច បានឲ្យដឹងថា ជនសង្ស័យមានឈ្មោះ ឈុន លីម៉ែត្រ ភេទប្រុស អាយុ២៤ឆ្នាំ មានទីលំនៅភូមិអូរដឹម សង្កាត់កន្ទោក ខណ្ឌពោធិ៍សែនជ័យ។

ប្រភពបានបន្ដថា ជនរងគ្រោះមានឈ្មោះ ល ស គ ភេទស្រី អាយុ ២០ឆ្នាំ និងគ្រួសារបានដាក់ពាក្យបណ្ដឹង និងនាំយកជនសង្ស័យទៅឲ្យសមត្ថកិច្ចសាកសួរ ដោយចោទប្រកាន់ថា ជនសង្ស័យថា បានវាយដំបង្ខំរួមភេទ និងគំរាមជនរងគ្រោះទារលុយ ជាថ្នូរនឹងការមិនបង្ហោះវីដេអូ រួមភេទរបស់ជនសង្ស័យ និងជនរងគ្រោះ អស់រយ:ពេល២ឆ្នាំមកហើយ។

ក្រោយការសាកសួរ ជនសង្ស័យបានសារភាពនៅចំពោះមុខ សមត្ថកិច្ចថា រូបគេពិតជាបានប្រព្រឹត្តដូចការចោទប្រកាន់មែន បន្ទាប់មក សមត្ថកិច្ចបានស្នើសុំគោលការពីលោក គុជ គឹមឡុង ព្រះរាជអាជ្ញារងអមសាលាដំបូងរាជធានីភ្នំពេញ ដើម្បីឃាត់ខ្លួនជនសង្ស័យកាលពីរសៀលថ្ងៃទី២៣ ខែមិថុនា ឆ្នាំ២០១៧កន្លងទៅ៕