Post News Media ព័ត៌មានជាតិ ងងុយដេកមិនព្រ...

ងងុយដេកមិនព្រមឈប់នៅប្រឹងបើក ចុងក្រោយក្រឡាប់ផ្ងារជើង

ចែកចាយបន្ត

កោះកុង: លោកអធិការរងស្រុកកំពង់សីលា បានប្រាប់ Post News ថា មានករណីគ្រោះថ្នាក់ចរាចរណ៍រថយន្តក្រឡាប់ខ្លួនឯង បណ្តាលឲ្យខ្ទាតឥដ្ឋរប៉ាតរប៉ាយពេញផ្លូវ​ មិនបង្កឲ្យមានអ្នករងរបួសឡើយ។

ហេតុការណ៍បានកើតឡើងនៅវេលាម៉ោង៨ និង៣០នាទីព្រឹក ថ្ងៃទី៤ ខែកក្កដា ឆ្នាំ២០១៧ នៅលើផ្លូវជាតិលេខ៤ ចន្លោះគីឡូម៉ែត្រលេខ ១៤៤-១៤៥ ត្រង់ចំណុចភូមិអូជ្រៅ ឃុំបឹងព្រាវ ខេត្តកោះកុង។ រថយ​ន្តខាងកលម៉ាក ហ៊ីណូ ពណ៌ក្រហម ពាក់ស្លាកលេខ ភ្នំពេញ3C-7615 បើកបរដោយឈ្មោះ ម៉េត ម៉េងលីម ភេទប្រុស អាយុ២៦ឆ្នាំ ស្នាក់នៅភូមិព្រៃជ្រូក ឃុំព្រៃជ្រូក ខេត្តកណ្តាល ។

លោកអធិការរងស្រុកកំពង់សីលាបានបញ្ជាក់ពីមូលហេតុ​ ដែលបណ្តាលឲ្យរថយន្តខាងលើក្រឡាប់ ដោយសារតែតៃកុងងងុយដេក បានធ្លាក់ផ្លូវ​ទើបក្រឡាប់តែម្តង៕