Post News Media ព័ត៌មានបច្ចេកវិទ្យា Google Pixel ...

Google Pixel 2 XL រចនាបទគំរូថ្មី! អាចនឹងធ្វើឱ្យលោកអ្នកបំភ្លេច iPhone

ចែកចាយបន្ត

រហូតមកទល់ពេលនេះ​ ក្រុមហ៊ុន Google ពុំទាន់បានត្រៀមខ្លួនរួចរាល់សម្រាប់ការបង្ហាញវត្តមានទូរសព្ទ Pixel 2 XL នៅឡើយទេ។

យោងតាមព័ត៌មានចចាមអារ៉ាមកន្លងមក ទូរសព្ទដែលបំពាក់សមត្ថភាពកាមេរ៉ាកម្រិតខ្ពស់ស៉ីដាច់គេស៊េរីបន្ទាប់មួយនេះ ត្រូវគេអះអាងថានឹងសហការផលិតជាមួយក្រុមហ៊ុន HTC និង LG ម្លោះហើយទើបរចនាបទថ្មីរបស់វា នឹងខុសប្លែកពីម៉ូឌែលមុន។

ដោយផ្អែកតាមលក្ខណ:សម្បត្តិបែកធ្លាយចុងក្រោយបំផុត​ ម្ចាស់គណនីបណ្តាញវីដេអូ YouTube ដ៏ល្បីល្បាញមួយឈ្មោះ Concept Creator បានបញ្ចេញរចនាបទថ្មីរបស់ Pixel 2 XL យ៉ាងល្អវិចិត្រ ជាមួយអេក្រង់ធំទូលាយ ស្ទើរគ្មានបន្សល់គែមជុំវិញ ហើយបានបង្ហាញសម្បកខាងក្រោយថ្មី និងប្រើគែមជុំវិញអាលុយមីញ៉ូមភ្លឺរលើបរលោង មិនមើលទៅស្រដៀងទៅនឹងទូរសព្ទ LG G6 ប្រកាសចេញកាលពីឆ្នាំមុន។

អ្នកបញ្ចេញម៉ូដគំរូរបស់វា ក៏បានបង្កើតនូវជម្រើសពណ៌ខុសៗគ្នាចំនួន ៣ ដែលមើលទៅសុទ្ធតែស្រស់ស្អាត និងសុទ្ធតែជាពណ៌ទាន់សម័យបំផុត។
ដើម្បីដឹងច្បាស់ពីប្រណិតភាពនៃរចនាបទគំរូចុងក្រោយរបស់ Google Pixel 2 XL សូមទស្សនាវីដេអូខាងក្រោម៖

គួរបញ្ជាក់ថា ទូរសព្ទដៃត្រកូល Pixel ជំនាន់ដំបូង គឺត្រូវបានរចនា និងផលិតឡើង​ដោយក្រុមហ៊ុនយក្ស Google ដើម្បីប្រកួតប្រជែងជាមួយបណ្តាទូរសព្ទលំដាប់កំពូលៗរបស់ក្រុមហ៊ុនបច្ចេកវិទ្យាគ្រាក់ៗដូចជា Apple និង Samsung ជាពិសេស លើសមត្ថភាពកាមេរ៉ា និងប្រព័ន្ធកម្មវិធីតែម្តង ចំណែកតម្លៃរបស់វាក៏មិនទាបនោះដែរ ពោលគឺ Google Pixel XL បំពាក់មេម៉ូរីជាប់ម៉ាស៊ីន ១២៨ ជីហ្គាបៃយ៍ គឺថ្លៃរហូតដល់ ៩២០ ដុល្លារឯណោះ (យោងតាមតម្លៃលក់នៅគេហទំព័រ soklyphone

ប្រភពព័ត៌មាន: bgr