Post News Media ព័ត៌មានជាតិ ចម្លែកណាស់ ឃើ...

ចម្លែកណាស់ ឃើញផ្សែងហ៊ុយយ៉ាងខ្លាំង តែរកកន្លែងឆេះអត់ឃើញ!

ចែកចាយបន្ត

ភ្នំពេញ: ភ្ញាក់ផ្អើលមួយបានកើតឡើង ដោយសារតែមានផ្សែងចេញធ្វើឲ្យប្រពលរដ្ឋ ភ័យនាំគ្នាហៅរថយន្ដពន្លត់អគ្គិភ័យចុះមកអន្តរាគមន៍ តែពេលមកដល់បែរជារកកន្លែងឆេះអត់ឃើញ។

ហេតុការណ៍នេះបានកើតឡើងកាលពីវេលាម៉ោង១០និង១០នាទីយប់ ថ្ងែទី៦ ខែកក្កដា ឆ្នាំ២០១៧ ត្រង់ចំណុចម្ដុំផ្លូវលេខ៣៦០ កែងនិងផ្លូវលេខ ១០៥ សង្កាត់បឹងកេងកង៣ ខណ្ឌចំការមន រាជធានីភ្នំពេញ។

យោងទៅតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញផ្សែងហ៊ុយចេញពីផ្ទះមួយកន្លែង នៅម្តុំលូទឹកស្អុយ ដែលគេសង្ស័យថា មានភ្លើងកំពុងតែឆាបឆេះ ប៉ុន្តែមិនដឹងថាភ្លើងឆេះនៅកន្លែងណានោះទេ គ្រាន់តែមានផ្សែងហ៊ុយចេញពីខាងក្នុងបន្ទប់ដូចជាពពក បង្កឲ្យមានការភ្ញាក់ផ្អើល ដល់ប្រជាពលរដ្ឋនៅក្បែរកន្លែងកើតហេតុយ៉ាងខ្លាំង និងបានទូរសព្ទហៅកម្លាំងសមត្ថកិច្ចផ្នែកពន្លត់អគ្គិភ័យ ចុះមកជួយធ្វើអន្តរាគមន៍ភ្លាមៗចំនួន២គ្រឿង តែមិនបានបាញ់ទឹកពន្លត់នោះទេ ដោយចូលទៅពិនិត្យមើលនៅក្នុងបន្ទប់ផ្ទះ៣ខ្នង ដែលមានផ្សែងហ៊ុយចេញនោះ រកកន្លែងដែលមានភ្លើងឆេះមិនឃើញសោះ៕