Post News Media ព័ត៌មានអន្តរជាតិ កុបកម្មក្នុងគ...

កុបកម្មក្នុងគុកនៅម៉ិកស៊ិក មនុស្ស ២៨ នាក់ ត្រូវបានសម្លាប់

ចែកចាយបន្ត

ម៉ិកស៊ិក: ក្រុមអាជ្ញាធរមូលដ្ឋាន បាននិយាយថា យ៉ាងហោចណាស់មនុស្ស ២៨ នាក់ ត្រូវបានសម្លាប់ បន្ទាប់ពីកុបកម្មក្នុងគុក កាលពីថ្ងៃព្រហស្បតិ៍ ដែលគេសង្ស័យថា ជាការបង្កទ្បើងដោយសមាជិកក្រុមប្រដាប់អាវុធ នៅក្នុងពន្ធនាគារនៃរដ្ឋ Guerrero។ នេះបើតាមសារព័ត៌មានចិនស៊ិនហួ ចេញផ្សាយនៅថ្ងៃទី០៧ ខែកក្កដា ឆ្នាំ២០១៧។

រដ្ឋាភិបាលរដ្ឋ បានបញ្ជាក់តួលេខថ្មីនៃចំនួនអ្នកស្លាប់ នៅក្នុងគុកនោះ ពី ០៥ នាក់ ទ្បើងទៅដល់ ២៨ នាក់ នៅពេលដែលប៉ូលិស បានស្វែងរកឃើញសាកសពនៅទីនោះ ហើយក៏មានអ្នកទោសបីនាក់ផ្សេងទៀត បានរងរបួសស្រាលផងដែរ។

នៅក្នុងសន្និសីទសារព័ត៌មានមួយ អ្នកនាំពាក្យសន្តិសុខរដ្ឋ Guerrero លោក Roberto Alvarez Heredia បាននិយាយថា ការប្រយុទ្ធគ្នាបានចាប់ផ្តើមនៅវេលាម៉ោង ៤ ទៀបភ្លឺ នៅឯពន្ធនាគារ Las Cruces ក្នុងទីក្រុង Acapulco ។

មកដល់ពេលនេះ គឺនៅមិនទាន់ដឹងអំពីអត្តសញ្ញាណរបស់អ្នកស្លាប់នោះទេ ប៉ុន្តែលោក Heredia បានឲ្យដឹងថា ក្រុមគ្រួសារសព ខាងអាជ្ញាធរនឹងធ្វើការផ្ដល់ដំណឹងជូនមុនគេ ហើយលោកក៏បានបន្ថែមដែរថា នៅក្នុងអំពើហិង្សានេះ ពុំមានអ្នកជាប់ឃុំណាម្នាក់ រត់គេចខ្លួនចេញបាននោះទេ៕