Post News Media ព័ត៌មានជាតិ គ្រោះថ្នាក់ចរ...

គ្រោះថ្នាក់ចរាចរណ៍បង្កទ្បើងដោយខ្លួនឯង ស្លាប់ម្នាក់ និងរបួសម្នាក់

ចែកចាយបន្ត

ឧត្តរមានជ័យ: លោកវរសេនីយ៍ទោ ហម ភិរម្យ អធិការដ្ឋាននគរបាលស្រុកបន្ទាយអំពិល បានប្រាប់ Post News ថា កាលពីវេលាម៉ោង ១៥ និង៣៩ នាទីថ្ងៃទី១៥ ខែកក្តដា មានករណីគ្រោះថ្នាក់ចរាចរណ៍ បង្កឡើងដោយខ្លួនឯង ត្រង់ចំណុចត្រពាំងកកោះ ស្ថិតនៅខាងជើង ភូមិរនាមធំ ឃុំគោកមន ស្រុកបន្ទាយអំពិល បណ្ដាលឲ្យស្លាប់ម្នាក់ និងរងរបួសស្រាលម្នាក់ ។

ម៉ូតូម៉ាកហុងដាទ្រីម សេ ១២៥ ស៊េរី ឆ្នាំ២០១៧ ពាក់ស្លាកលេខ ឧត្តរមានជ័យ ១C-៩៦១០ បើកបរដោយជនរងគ្រោះ ឈ្មោះ រត្ន បូរ៉ា ភេទប្រុស អាយុ ៣៣ ឆ្នាំ រស់នៅភូមិរុងរឿង ឃុំអំពិល ស្រុកបន្ទាយអំពិល (របួសស្រាល) ។

ចំណែកអ្នករួមដំណើរ ឈ្មោះ សុផាន ភេទប្រុស អាយុ៤២ឆ្នាំ ស្នាក់នៅភូមិព្រៃវែង ឃុំគោកមន
ស្រុកបន្ទាយអំពិល ស្លាប់នៅកន្លែងកើតហេតុ។

សមត្ថកិច្ច បានប្រាប់ថា មូលហេតុដែលបង្កឲ្យមានគ្រោះថ្នាក់ចរាចរណ៍នេះ គឺជនរងគ្រោះបើកបរ ក្នុងស្ថានភាពស្រវឹងស្រា ដោយបើកឡើងបង្កូរថ្ម ដែលចាក់ទុកនៅចិញ្ចើមផ្លូវ ៕