Post News Media ព័ត៌មានជាតិ ក្មេងស្រីម្នា...

ក្មេងស្រីម្នាក់ បានរត់លេងជំពប់ជើង បុកបង់ថ្មចំបំពង់កស្លាប់

ចែកចាយបន្ត

កណ្តាល: ក្មេសស្រីម្នាក់ បានស្លាប់នៅក្នុងបរិវេណសាលាគួរឲ្យអាណិត ខណ:ដែលម៉ោងចេញលេង បានរត់លេងជាមួយមិត្តភក្ត្រ័ ហើយបានរត់ជំពុបជើង ដួលលើជ្រុងបង់ថ្មចំបំពងក ស្លាប់ ក្រោយពេលបញ្ជូនដល់មន្ទីរពេទ្យ។

ហេតុការណ៍នេះ បានកើតឡើងកាលពីវេលាម៉ោង១០ និង១៣នាទី ថ្ងៃទី១២ ខែសីហា ឆ្នាំ២០១៧
នៅចំណុចក្នុងបរិវេណសាលាបឋមសិក្សាជង្រុក នៅភូមិជង្រុក ឃុំម្កាក់ ស្រុកអង្គស្នួល ខេត្តកណ្តាល ។

ជនរងគ្រោះ ឈ្មោះ ឡុញ ស្រីវេត ភេទស្រី អាយុ១៣ ឆ្នាំជនជាតិខ្មែរ មុខរបរសិស្សថ្នាក់ទី៥(ខ) នៅភូមិត្រពាំងអណ្តែង ឃុំម្កាក់ ស្រុកអង្គស្នួល ខេត្តកណ្តាល

លោកវរសេនីយ៍ មាន សំណាង អធិការស្រុកអង្គស្នួល បានប្រាប់ឲ្យដឹងថា «តាមការសួរចម្លើយរបស់សាក្សី ឈ្មោះ ឆន អង្គារណារា ភេទប្រុស អាយុ២៣ឆ្នាំ មុខរបរគ្រូបង្រៀននៅសាលាបឋម សិក្សាជង្រុក នៅភូមិត្រពាំងរាំង ឃុំម្កាក់ ស្រុកអង្គស្នួល ខេត្តកណ្តាល បានឲ្យដឹងថា វេលាម៉ោង៨ និង៣០នាទី គាត់បានឲ្យកូនសិស្សចេញលេង មួយសន្ទុសធំមកហើយ ស្រាប់តែមានកូនសិស្សរត់ទៅប្រាប់គាត់ថា ឈ្មោះ ឡុញ ស្រីវេត បានរត់ជំពុបជើងដួលលើជ្រុងបង់ថ្មចំបំពងក ពេលនោះគាត់រត់មកលើជនរងគ្រោះនៅដង្ហើមតិចៗ គាត់ក៏ស្រែកហៅលោកគ្រូៗ ឲ្យជួយយកទៅពេទ្យ ហើយក៏លើកជនរងគ្រោះដាក់ឡានយកទៅពេទ្យគ្លីនីចឯកជន ជន សំអាត ស្ថិតនៅភូមិអន្ទង់ក្រវៀន ឃុំម្កាក់ ស្រុកអង្គស្នួល ។ ដោយលោកគ្រូ ក៏បានប្រាប់ទៅលោកគ្រូម្នាក់ទៀតឲ្យ មកប្រាប់ឪពុកម្តាយជនរងគ្រោះថា កូនរត់ដួលលើជ្រុងបង់ថ្ម ឥឡូវយកទៅពេទ្យហើយ។ ជនរងគ្រោះពេលទៅដល់ពេទ្យ លោកគ្រូពេទ្យពិនិត្យថា បានស្លាប់បាត់ហើយ។ ឪពុកម្តាយ និងលោគ្រូៗ បង្រៀនក៏យកសពមកផ្ទះវិញ។

ក្រោយមកទើបផ្នែកជំនាញនគរបាលពិនិត្យវិភាគកន្លែងកើតហេតុស្រុក បានចាប់ផ្តើមពិនិត្យ សព ដោយមានការចូលរួមពី លោកប្រធានក្រុមប្រឹក្សាឃុំ លោកគ្រូពេទ្យស្រុក មេភូមិ បងប្អូនជនរងគ្រោះនគរបាលប៉ុស្តិ៍ ដែលការសន្និដ្ឋានរបស់លោកគ្រូពេទ្យ ជនរងគ្រោះស្លាប់ដោយ សារបែកបំពងក។ មកទល់ពេលនេះ សពត្រូវបានប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី៕