Post News Media ព័ត៌មានជាតិ រន្ធត់ណាស់! រ...

រន្ធត់ណាស់! រថយន្តសាមុយគ្លីនិក «តែវណ្ណា» បើកបុកម៉ូតូតុកៗ សម្លាប់មនុស្ស០៣នាក់ និងរបួសធ្ងន់០២នាក់

ចែកចាយបន្ត

កណ្ដាល: នៅថ្ងៃទី១៣ ខែសីហា ឆ្នាំ២០១៧ មានករណីគ្រោះថ្នាក់ចរាចរណ៍មួយ បានបង្កឡើងដោយរថយន្តសាមុយរបស់គ្លីនិក «តែវណ្ណា» ប៉ះគ្នាជាមួយនិងម៉ូតូ City សណ្តោងរឺម៉ក (តុកៗ) ដែលបណ្តាលឲ្យមនុស្ស ០៣នាក់ស្លាប់ និងរបួសធ្ងន់០២នាក់ ខណ:យានកង់បីខូចខាតធ្ងន់ និងរថយន្តសាមុយខូចខាតស្រាល។

ហេតុការណ៍នេះ បានកើតហេតុនៅថ្ងៃទី១៣ ខែសីហា ឆ្នាំ២០១៧ វេលាម៉ោង ៥ និង១៥នាទីទៀបភ្លឺ នៅចំណុចភូមិឃ្លាំងស្បែក ឃុំកំពង់ហ្លួង ស្រុកពញឮ ខេត្តកណ្តាល ត្រង់ផ្លូវជាតិលេខ៥ ចន្លោះគីទ្បូម៉ែត្រលេខ២៩-៣០។

តាមសមត្ថកិច្ច បានឲ្យដឹងថា នៅវេលាថ្ងៃខែ ឆ្នាំកើតហេតុខាងលើ មានរថយន្តមួយគ្រឿងម៉ាក ស្តារិចរបស់គ្លីនិក «តែវណ្ណា» ពណ៌ស ឆ្នូតក្រហម ពាក់ស្លាកលេខកំពង់ឆ្នាំង 2A-1317 បើកបរក្នុងទិដៅពីត្បូងទៅជើង លុះមកដល់កន្លែងកើតហេតុ បានបុកពីក្រោយម៉ូតូ (តុកៗ) ដែលកំពុងជិះស្របទិសនៅពីមុខ បើកបរដោយឈ្មោះ ពៅ មារីន ភេទប្រុស អាយុ៤២ឆ្នាំ ទីលំនៅភូមិទួលអំពិល ឃុំពញាឮ ស្រុកពញាឮ ខេត្តកណ្តាល បណ្ដាលឲ្យស្លាប់ ចំណែកឯអ្នករួមដំណើរទី១.ឈ្មោះយី សុភក្រ័ ភេទស្រី អាយុ៣៨ឆ្នាំ (ស្លាប់), ទី២.ឈ្មោះខៃ បញ្ញា ភេទប្រុស អាយុ០៤ឆ្នាំ (សា្លប់), ទី៣.ឈ្មោះខុន សុខលី ភេទស្រី អាយុ៣៥ឆ្នាំ (របួសធ្ងន់) និងទី៤. ឈ្មោះ ជឹម សុណា ភេទស្រី អាយុ៤៦ឆ្នាំ (របួសធ្ងន់) អ្នកទាំងអស់មានទីលំនៅជាមួយគ្នា។

ក្រោយកើតហេតុបើកបររថយន្តរត់គេចខ្លួនបាត់ រីឯមធ្យោបាយធ្វើដំណើររបស់ពួកគេ ត្រូវបានសមត្ថកិច្ច យកមករក្សាទុកនៅអធិការដ្ឋាន រីឯសពវិញត្រូវបានប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី។

តាមការសន្និដ្ឋានរបស់សមត្ថកិច្ច បានបញ្ជាក់ថា ករណីនេះបណ្តាលមកពីរថយន្តបើកបរក្នុងល្បឿនលឿន ខ្វះការប្រុងប្រយ័ត្ន៕