Post News Media ព័ត៌មានជាតិ ឃាត់ខ្លួនជនសង...

ឃាត់ខ្លួនជនសង្ស័យ ០៣ នាក់ ពាក់ព័ន្ធនឹងករណីរក្សាទុកគ្រឿងញៀន

ចែកចាយបន្ត

កណ្ដាល: បើតាមសមត្ថកិច្ច នៅថ្ងៃទី១៣ ខែសីហានេះ បានឲ្យដឹងថា មានការឃាត់ខ្លួនបុរស ០៣ នាក់ ពាក់ព័ន្ធនឹងករណីរក្សាទុកនូវសារធាតុញៀនខុសច្បាប់។

ហេតុការណ៍នេះ បានកើតទ្បើងនៅវេលាម៉ោង ១៤ និង២០ នាទីថ្ងៃទី១២ ខែសីហា ឆ្នាំ២០១៧ នៅចំណុចភូមិឬស្សីស្រុក ឃុំខ្ពប ស្រុកស្អាង ខេត្តកណ្តាល។

ជនសង្ស័យទី១ -ឈ្មោះ ហាក់ ឃុន ភេទប្រុស អាយុ ១៦ឆ្នាំ ជនជាតិ ខ្មែរ មុខរបរ កម្មករជាងដែក ទីលំនៅភូមិព្រៃទទឹង ឃុំខ្ពប ស្រុកស្អាង ខេត្តកណ្តាល, ទី២ -ឈ្មោះ វ៉ិត ម៉េងហាក់ ភេទ ប្រុស អាយុ ១៦ឆ្នាំ ជនជាតិ ខ្មែរ មុខរបរកសិករ ទីលំនៅភូមិដំរីឆ្លង ឃុំខ្ពប ស្រុកស្អាង ខេត្តកណ្តាល និងទី៣ -ឈ្មោះ ធូ លីហ៊ង ភេទ ប្រុស អាយុ ១៦ឆ្នាំ ជនជាតិ ខ្មែរ មុខរបរកសិករ ទីលំនៅភូមិព្រៃទទឹង ឃុំខ្ពប ស្រុកស្អាង ខេត្តកណ្តាល ។

វត្ថុតាងចាប់យករួមមានម្សៅក្រាមពណ៌សថ្លា សង្ស័យជាគ្រឿងញៀន ប្រភេទម៉ាទឹកកក ចំនួន ០១ កញ្ចប់តូច , ម៉ូតូចំនួន ០១គ្រឿង ម៉ាក ហុងដា Zoomer-X ពណ៌ស លាយខ្មៅ ពាក់ផ្លាកលេខ ភ្នំពេញ 1FZ-3464 ។

តាមសមត្ថកិច្ច បានប្រាប់ឲ្យដឹងថា កាលពីថ្ងៃទី ១២ ខែ សីហា ឆ្នាំ២០១៧ វេលាម៉ោង ១៤និង២០នាទី កម្លាំងប៉ុស្តិ៍នគរបាលខ្ពប បានល្បាតក្នុងភូមិសាស្រ្តនៅចំណុចកើតហេតុ ក៏បានប្រទះឃើញជនសង្ស័យចំនួន ០៣នាក់ កំពុងជិះម៉ូតូមួយគ្រឿង ដោយមានការសង្ស័យ សមត្ថកិច្ចបានធ្វើការត្រួតពិនិត្យ រកឃើញគ្រឿងញៀន (ម៉ាទឹកកក) ចំនួន ០១កញ្ចប់តូច នៅនឹងឈ្មោះ វ៉ិត ម៉េងហាក់ រួចឃាត់ខ្លួនជនសង្ស័យទាំងនោះ រួមនឹងវត្ថុតាង យកមកសាកសួរនៅប៉ុស្តិ៍រដ្ឋបាលខ្ពប បន្ទាប់មកបញ្ជូនបន្ត ទៅកាន់អធិការដ្ឋាននគរបាលស្រុកស្អាង ដើម្បីអនុវត្តតាមនីតិវិធី៕