Post News Media ព័ត៌មានជាតិ អញ្ចឹងចុះ! ជិ...

អញ្ចឹងចុះ! ជិះម៉ូតូកាន់ដាវដេញកាប់គ្នាប្រសាចពេញផ្លូវ ជ្រុលទៅបុករថយន្តគេពេញទំហឹងរបួសធ្ងន់ទាំង២នាក់!

ចែកចាយបន្ត

ភ្នំពេញ: ក្មេងស្ទាវ២នាក់ ជិះម៉ូតូម៉ាកស៊ុយសាគីនិចមួយគ្រឿង បានដេញកាប់គ្នាជាមួយបក្ខពួកមួយក្រុមផ្សេងទៀតក្នុងល្បឿនលឿន គេចរថយន្តហាយទ្បែនឌ័រ មិនផុតក៏ត្រូវបានបុកចំពីមុខរថយន្តរបស់គេពេញទំហឹង រងរបួសធ្ងន់ទាំង២នាក់តែម្តង។

ហេតុការណ៍នេះបានកើតទ្បើងកាលពីវេលាម៉ោង១២និង១៥នាទីរំលងអាធ្រាតឈានចូលថ្ងៃទី៨ ខែកញ្ញា ឆ្នាំ២០១៧ ស្ថិតនៅតាមបណ្តោយផ្លូវព្រះនរោត្តម កែងផ្លូវលេខ១០៦ សង្កាត់វត្តភ្នំ ខណ្ឌដូនពេញ រាជធានីភ្នំពេញ។

តាមសាក្សីបញ្ជាក់ពីកន្លែងកើតហេតុបានឲ្យដឹងថា មុនពេលកើតហេតុ គេឃើញយុវជនប្រហែលជា៣ទៅ៤ម៉ូតូ ជិះម៉ូតូកាន់កាំបិតនិងដាវដេញកាប់គ្នាយ៉ាងប្រសាចពេញផ្លូវ ក្នុងល្បឿនលឿន លុះមកដល់ចំណុចកើតហេតុគេឃើញរថយន្តហាយទ្បែនឌ័រមួយគ្រឿង ពាក់ស្លាកលេខ ភ្នំពេញ 2AM-9664 បើកបរទិសដៅពីត្បូងទៅជើងក្នុងល្បឿនមធ្យម ស្រាប់តែយុវជន២នាក់ជិះម៉ូតូម៉ាកនិច ពណ៌ស លាយខៀវ ពាក់ស្លាកលេខ កំពង់ចាម 1Q-5992 ទិសដៅពីកើតទៅលិចក្នុងល្បឿនលឿនពេក ចាប់ហ្វ្រាំងមិនទាន់ បានបុកចំពីមុខរថយន្តពេញទំហឹង បណ្តាលឲ្យរថយន្តខ្ទេចផ្នែកខាងស្តាំខាងមុខយ៉ាងដំណំ ចំណែកម៉ូតូម៉ាកនិចរងការខូចខាតផ្នែកខាងមុខទាំងស្រុង។ ចំណែកយុវជនទាំង២នាក់រងរបួសធ្ងន់ត្រូវបានបញ្ចូនទៅកាន់មន្ទីរពេទ្យផងដែរ ហើយនៅកន្លែងកើតហេតុ គេឃើញមានដាវសាំម៉ូរ៉ៃ២ដើម ធ្លាក់ចេញពីម៉ូតូរបស់យុវជនទាំង២នាក់នោះទៀតផង ។

ក្រោយពេលកើតហេតុម្ចាស់រថយន្តខ្ជិលវែងឆ្ងាយ ដោយសម្របសម្រួលសមចាវគ្នា ដោយគ្មានអ្នកណាសងអ្នកណា រួចក៏បានបើករថយន្តចេញបាត់ ចំណែកឯម៉ូតូនិច និងដាវសាំម៉ូរ៉ៃ២ដើមនោះ ត្រូវបានសមត្ថកិច្ចយកទៅរក្សាទុកនៅប៉ុស្តិ៍រង់ចាំការដោះស្រាយតាមផ្លូវច្បាប់បន្តទៀត៕