Post News Media ព័ត៌មានជាតិ រថយន្តបើកសុខៗ...

រថយន្តបើកសុខៗស្រាប់តែឆ្លងភ្លើងឆេះផ្អើលទាំងយប់!

ចែកចាយបន្ត

ភ្នំពេញ: រថយន្តដឹកទំនិញធន់ធំមួយគ្រឿង ខណ:ដែលកំពុងតែបើកបរសុខៗស្រាប់តែឆ្លងប្រព័ន្ធភ្លើងឆាបឆេះហុយផ្សែងផ្អើល សមត្ថកិច្ច ប្រជាពលរដ្ឋអ្នកដំណើរតាមដងផ្លូវកកស្ទះចរាចរណ៍ ត្រូវបានរថយន្តពន្លត់អគ្គិភ័យទៅជួយ ទាន់ពេលវេលា សំណាងល្អមិនបង្កឲ្យ គ្រោះថ្នាក់ធ្ងន់ធ្ងរឬអ្នកដទៃ ខូចតែរថយន្ត។

ហេតុការណ៍នេះបានកើតទ្បើងកាលពីវេលាម៉ោង៧និង២០នាទីយប់ថ្ងៃទី៧ ខែកញ្ញា ឆ្នាំ២០១៧ ស្ថិតនៅលើផ្លូវជាតិលេខ៤ ខាងលិចជាប់រង្វង់មូលចោមចៅ ភូមិព្រៃជីសាក់ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ។

រថយន្តឆ្លងប្រព័ន្ធភ្លើងឆេះផ្អើលគេឯងនោះមានម៉ាក ហុីយ៉ាន់ដាយ ពណ៌ក្រហម ពាក់ស្លាកលេខ កំពង់ធំ 3A-1866 ។

តាមការបញ្ជក់ពីតៃកុងរថយន្តបានឲ្យដឹងថាមុនកើតហេតុ រថយន្ត ដឹកទំនិញក្រុមហ៊ុនមួយគ្រឿងទើបនឹងបើកចេញ ពីក្រុមហ៊ុន គោលដៅឆ្ពោះទៅ ក្រុងព្រះសីហនុ ទើបតែដល់ចំណុចកើតហេតុ ស្រាប់តែភ្លើងឆេះហុយ ចេញពីកូនជ្រូក ម៉ាសុីន ទើបឆេះខ្សែប្រព័ន្ធភ្លើងហុយផ្សែងផ្អើលលោតចុះ ហើយត្រូវបាន រថយន្តមួយគ្រឿងផ្សេងទៀត ដឹកទំនិញដូចគ្នា ឈប់ជួយដងទឹកជះ និងរថយន្តពន្លត់អគ្គិភ័យរបស់អង្គភាព៧១១ កងពលតូចលេខ៧០ ធ្វើដំណើរឆ្លងកាត់ ឃើញជួយបាញ់ទឹកពន្លត់ភ្លើងផងដែរ ។

ករណីខាងលើ មិនបង្កឲ្យអ្នកណា រងគ្រោះថ្នាក់នោះទេ គ្រាន់តែខូចខាតតែ ប្រព័ន្ធខ្សែភ្លើងរថយន្តតែប៉ុណ្ណោះ ហើយហៅរថយន្តផ្សេងមួយទៀតអូសយកទៅ ចូលក្រុមហ៊ុនវិញ ដើម្បីធ្វើការជួសជុល ៕

ចែកចាយបន្ត