Post News Media ព័ត៌មានជាតិ សមត្ថកិច្ច៣ខេ...

សមត្ថកិច្ច៣ខេត្ត សហការគ្នានាំមុខសញ្ញាលួចម៉ូតូដែលចាប់បាននៅបាត់ដំបង

ចែកចាយបន្ត

កំពត: នៅព្រឹកថ្ងៃទី ២ ខែតុលា ឆ្នាំ ២០១៧ សមត្ថកិច្ចនគរបាលខេត្តបាត់ដំបង ខេត្តកំពង់ចាម សហការជាមួយនគរបាលខេត្តកំពត នាំមុខសញ្ញាលួចម៉ូតូដែលចាប់បាននៅបាត់ដំបង កាលពីយប់ថ្ងៃទី ៣០ ខែកញ្ញា ឆ្នាំ ២០១៧ ។

ជននេះឈ្មោះ ស៊ឹម ចាន់ថន (ឃួន ចន្ថន) ហៅឥណ្ឌា ភេទប្រុស អាយុ៣៥ឆ្នាំ ផ្ទះនៅភូមិសត្វពង ឃុំសត្វពង ស្រុកឈូក ខេត្តកំពត ។ តាមរយ:ជនល្មើស ស៊ឹម ចាន់ថន (ហៅឥណ្ឌា) មកចង្អុលបង្ហាញនៅមូលដ្ឋានខេត្តកំពត ពាក់ពន្ធ័ករណីសមគំនិតលួច និងទទួលផលចោរកម្មកន្លងមក ទទួលបានលទ្ធផលដូចខាងក្រោម :
ក. ស្រុកអង្គរជ័យ : ឃាត់ខ្លួនបានចំនួន៣នាក់ រួមមាន ទី១ឈ្មោះ ម៉ម ហ៊ិន ភេទប្រុស អាយុ៤២ឆ្នាំ នៅភូមិត្រពាំងស្លា ឃុំសំឡាញ ស្រុកអង្គរជ័យ មុខរបរគ្រូបង្រៀននៅអនុវិទ្យាល័យសំឡាញ ។ ពេលឃាត់ខ្លួនដកហូតម៉ូតូម៉ាកវ៉េវអាល់ហ្វាចំនួន១ គ្រឿង ពាក់ស្លាកលេខ ភ្នំពេញ 1P-7060 បានឆែកផ្ទះដកយកបានម៉ូតូហុងដា សេ១២៥ ស៊េរី ២០១៦ ពណ៌ខ្មៅ ស្លាកលេខ បាត់ដំបង 1V-3063 និងស្លាកលេខចំនួន៦ មាន ភ្នំពេញ 1CA-2195, ភ្នំពេញ 1C-Q5105, កំពង់ស្ពឺ 1G-5227, កំពង់ចាម 1O(អូ)-8799, កំពត 1E-2266 និងក្បាំងម៉ូតូវ៉េវ១គូ ។ ទី២ឈ្មោះ ហ៊ឺ គឹមហៃ ភេទប្រុស អាយុ ៥០ ឆ្នាំ នៅភូមិស្តុក ឃុំសំឡាញ ស្រុកអង្គរជ័យ ។ ពេលឃាត់ខ្លួនដកហូតម៉ូតូស្កូពីបានចំនួន១ គ្រឿង ភ្នំពេញ 1BB-4922, ទី៣ឈ្មោះ ឃិន ណី ភេទប្រុស អាយុ ៤៨ ឆ្នាំ នៅភូមិកសិករ ឃុំសំឡាញ ស្រុកអង្គរជ័យ ។ ពេលឃាត់ខ្លួនដកហូតម៉ូតូស្កូពីពណ៌ខ្មៅចំនួន ១ គ្រឿង ស្លាកលេខកំពត 1J-6829 ស៊េរី ២០១២ ។
ខ. ស្រុកឈូក : ឃាត់ខ្លួនបានចំនួន២នាក់ រួមមាន : ទី១ឈ្មោះ គឹម សេងដុស ភេទប្រុស អាយុ ២៧ ឆ្នាំ នៅភូមិក្រសាំង ឃុំឈូក ស្រុកឈូក ។ ពុំមានដកបានអ្វីទេ ។ ២.ឈ្មោះ និន មាំង ភេទប្រុស អាយុ ២៧ ឆ្នាំ នៅភូមិក្រសាំង ឃុំឈូក ស្រុកឈូក ។ ពុំមានដកបានអ្វីទេ ។

ចំពោះជនដែលឃាត់ខ្លួននៅកំពត ទាំង៥ នាក់ លោកព្រះរាជអាជ្ញា សម្របសម្រួលប្រគល់ទៅឲ្យសមត្ថកិច្ចខេត្តបាត់ដំបង ចាត់ការបន្តតាមនីតិវិធីច្បាប់៕