Post News Media ព័ត៌មានជាតិ កាមរីស្វិតពន្...

កាមរីស្វិតពន្លះម៉ូតូពេញទំហឹង បណ្តាលឲ្យបុរសម្នាក់ស្លាប់នៅនឹងកន្លែង

ចែកចាយបន្ត

ត្បូងឃ្មុំ: ករណីគ្រោះថ្នាក់ចរាចរណ៍មួយបានកើតឡើងរវាងម៉ូតូ និងរថយន្តក្នុងដំណើរបញ្ច្រាសទិសគ្នា បណ្តាលឲ្យបុរសម្នាក់ស្លាប់។

ហេតុការណ៍កើតឡើងនៅវេលាម៉ោង៦ និង១៥នាទី ថ្ងៃទី៨ ខែតុលា ឆ្នាំ២០១៧ នៅលើផ្លូវជាតិលេខ៧ ត្រង់ចំណុចមុខមន្ទីរពេទ្យបង្អែក ស្រុកពញាក្រែក ស្ថិតនៅភូមិពោធិ៍ស្រុក ឃុំកោងកាង ស្រុកពញាក្រែក ខេត្តត្បូងឃ្មុំ។

យោងតាមប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញមានម៉ូតូ មួយគ្រឿង ម៉ាកសង់ សេ១២៥ ពណ៌ខ្មៅ ពាក់ស្លាកលេខ កំពង់ចាម1H.3337 បើកបរដោយឈ្មោះ ហ៊ីន ទីន ភេទប្រុស អាយុ៣៤ឆ្នាំ ស្នាក់នៅភូមិ៥៥ ឃុំក្រែក ស្រុកពញាក្រែក ខេត្តត្បូងឃ្មុំ (ស្លាប់នៅកន្លែងកើតហេតុ) លុះមកដល់ចំណុចកើតហេតុ ក៏ត្រូវរថយន្តម៉ាកកាមរី (ស្វិត) ពណ៌ខ្មៅ ពាក់ស្លាកលេខ ង.0042 ភព2 មិនស្គាល់ឈ្មោះ (ក្រោយពេលកើតហេតុបានគេចខ្លួនបាត់)។

ករណីខាងលើនេះ ជំនាញ នៃ អធិការដ្ឋានស្រុកចាត់ការតាមនិតិវិធី៕