Post News Media ព័ត៌មានបច្ចេកវិទ្យា រថយន្តស្វ័យបើ...

រថយន្តស្វ័យបើកបរពិតៗចេញហើយ! គឺ Cadillac CT6 ស៊េរីឆ្នាំ ២០១៨

ចែកចាយបន្ត

នេះគឺជារថយន្តដំបូងបង្អស់ដែលត្រូវបានបំពាក់បច្ចេកវិទ្យាបើកបរស្វ័យប្រវត្តិពិតប្រាកដ។ វាមិនមែនកើតចេញមកពីក្រុមហ៊ុនបច្ចេកវិទ្យាយក្សណាមួយដូចជា Alphabet ឬ Telsa នោះទេ ប៉ុន្តែ គឺជារថយន្ត Super Cruise ស៊េរីថ្មីបំផុតរបស់ក្រុមហ៊ុន Cadillac។

ខុសពីបច្ចេកវិទ្យាជំនួយការបើកបរទំនើបៗរបស់ក្រុមហ៊ុនដទៃ រថយន្តប្រភេទទ្វារ ៤ ធុនធំបំផុតរបស់ក្រុមហ៊ុនផលិតរថយន្តអាមេរិកមួយនេះ ត្រូវបានរចនាឡើងដើម្បីអាចឱ្យវាបើកបរដោយមិនចាំបាច់ត្រូវការមនុស្សបញ្ជាពិតៗ នៅលើដងមហាវិថីធំៗ បើទោះបីជាវាមិនអាចបើកបរនៅផ្លូវក្នុងទីប្រជុំជន ឬផ្លូវលំក៏ដោយ។

ពោលគឺ ប្រព័ន្ធស្វ័យប្រវត្តិកម្មរបស់វាមិនចាំបាច់ត្រូវការមនុស្សកាន់ដៃចង្កូតដូចជាប្រព័ន្ធរថយន្តរបស់ក្រុមហ៊ុន Tesla ឬ Mercedes-Benz នោះទេ។ ហើយបើតាមការសាកល្បងបង្ហាញថា Cadillac CT6 2018 ដ៏ប្រណិតនេះ អាចរថដោយខ្លួនឯងយ៉ាងនឹង និងសុក្រិតជាងរថយន្តដែលបំពាក់ប្រព័ន្ធស្វ័យបើកបរនៅលើទីផ្សារនាពេលបច្ចុប្បន្ន​​។

ក្រៅពីនេះ កៅអីខាងក្នុងរបស់វាទៀតសោត គឺអាចជួយធ្វើសរសៃឱ្យអ្នកអង្គុយ មានបំពាក់ប្រព័ន្ធ HVAC និង CarPlay ដែលជាប្រព័ន្ធព័ត៌មានកម្សាន្តរបស់ Android ដែលអាចដើរដោយស្វ័យប្រវត្តិជាដើម។

រថយន្តប្រណិត Cadillac CT6 ស៊េរីឆ្នាំ ២០១៨ ជំនាន់ Platinum នឹងដាក់លក់ក្នុងតម្លៃ ៨៥,២៩០ ដុល្លារ (តម្លៃបរទេស) ខណ:ម៉ូឌែល Premium នឹងដាក់លក់ចាប់ពីតម្លៃ ៦៦,២៩០ ដុល្លារ៕

ប្រភពព័ត៌មាន: Tomsguide