Post News Media ព័ត៌មានជាតិ បុរស​ចំណាស់ម្...

បុរស​ចំណាស់ម្នាក់ផឹកស្រវឹង ដើរធ្លាក់ស្រែលង់ទឹកស្លាប់យ៉ាងអាណោចអាធ័ម!

ចែកចាយបន្ត

តាកែវ: ហេតុការណ៍បង្កឲ្យមានការភ្ញាក់ផ្អើលមួយបានកើតឡើង បន្ទាប់ពីប្រទះឃើញសពបុរសចំណាស់ម្នាក់លង់ទឹកស្លាប់។

ហេតុការណ៍កើតឡើងនៅវេលាម៉ោង១១ និង៣០នាទីព្រឹក ថ្ងៃទី១០ ខែតុលា ឆ្នាំ២០១៧ នៅចំណុចវាលស្រែរបស់ឈ្មោះ ភាព ម៉ៅ ភេទប្រុស អាយុ៤៩ឆ្នាំស្ថិតនៅភូមិត្រពាំងព្រីង ឃុំលាយបូរ ដែលមានចម្ងាយពីផ្ទះជនរងគ្រោះប្រវែង៧០០ម៉ែត្រ។

សមត្ថកិច្ចបានឲ្យដឹងថា សាកសពជនរងគ្រោះមានឈ្មោះ នូ មេង ភេទប្រុសអាយុ៤៨ឆ្នាំ ស្នាក់ភូមិឃុំកើតហេតុខាងលើ។

ក្រោយពីទទួលបានព័ត៌មានភ្លាម កម្លាំងជំនាញអធិការដ្ឋានស្រុកសហការ ជាមួយកម្លាំងប៉ុស្តិ៍នគរបាលរដ្ឋបាល លាយបូរ ក្រុមប្រឹក្សាឃុំ តំណាងបុគ្គលឹកមណ្ឌលសុខភាពឃុំមេភូមិ បានធ្វើការចុះត្រួតពិនិត្យ និងស៊ើបអង្កេតឃើញថា សាកសពពិតជាបានលង់ទឹកស្លាប់ពិតប្រាកដមែន មូលហេតុជនរងគ្រោះផឹកស្រាស្រវឹងជាប្រចាំ។

ចំពោះសាកសព ត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕