Post News Media ព័ត៌មានអន្តរជាតិ Update៖ ករណីភ...

Update៖ ករណីភ្លើងឆេះព្រៃនៅរដ្ឋកាលីហ្វញ៉ា បាត់ខ្លួនមនុស្សជាង ១០០ នាក់

ចែកចាយបន្ត

អាមេរិក: តាមអាជ្ញាធ័រនៅតំបន់ Sonoma នៅ​ថ្ងៃ​អង្គា​រ៏នេះ បានទទួលរបាយការណ៍ថា រហូតមកទល់ពេលនេះ មានមនុស្សជាង ១០០ នាក់ហើយ បានបាត់ខ្លួន បន្ទាប់ពីហេតុការណ៍ភ្លើងឆេះព្រៃ នៅរដ្ឋកាលីហ្វញ៉ា របស់សហរដ្ឋអាមេរិក។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី១០ ខែតុលា ឆ្នាំ២០១៧។

អគ្គីភ័យនេះ បានចាប់ផ្តើមកាលពីថ្ងៃច័ន្ទ ដោយវាបានជំរុញឲ្យអភិបាលរដ្ឋ លោក Jerry Brown ប្រកាសដាក់តំបន់មួយចំនួន នៅរដ្ឋកាលីហ្វញ៉ា ក្នុងភាពអាសន្ន ខណ:ដែលមនុស្សយ៉ាងហោចណាស់ ១០ នាក់ បានស្លាប់នៅក្នុងហេតុការណ៍នេះ។

គួរបញ្ជាក់ផងដែរថា អគ្គិភ័យនេះ បានបំផ្លិចបំផ្លាញអគារប្រហែល ១,៥០០ ខ្នង និងទំហំដីខូចខាតមាន ៥៧,០០០ ហិចតា នៅតំបន់ចំនួន ៨ ក្នុងរដ្ឋកាលីហ្វញ៉ា ខណ:ដែលមនុស្សចំនួន ២ ម៉ឺននាក់ ត្រូវបានជម្លៀសខ្លួនចេញពីលំនៅដ្ឋានរបស់ពួកគេផងដែរ៕