Post News Media ព័ត៌មានជាតិ បញ្ជូនគូ​ស្នេ...

បញ្ជូនគូ​ស្នេហ៍ផិតក្បត់មួយគូ​ មកតុលាការ

ចែកចាយបន្ត

កណ្តាល: នៅរសៀលថ្ងៃទី១០ ខែតុលា ឆ្នាំ២០១៧ កម្លាំងការិយាលយ័ប្រឆាំងការជួញដូរមនុស្សនិងការពារអនីតិជននៃស្នងការដ្ឋាននគរបាលខេត្តកណ្តាល បានបញ្ជូនគូរស្នេហ៍លួចស្រលាញ់គ្នាជិត០៣ឆ្នាំមកតុលាការដើម្បីចាត់ការតាមនីតិវិធីច្បាប់។

បច្ចុប្បន្នគូរស្នេហ៍ផិតក្បត់ទាំងពីនាក់កំពុងស្ថិតនៅក្រោមការសាកសួររបស់លោកស្រី ស៊ូ សុជាតា ព្រះរាជអាជ្ញារងអមសាលាដំបូងខេត្តកណ្តាល។

សូមបញ្ជាក់ថា: នៅថ្ងៃទី១០.១០.២០១៧
ករណីអំពើផិត
កើតហេតុ:ថ្ងៃទី១០ ខែតុលា ឆ្នាំ២០១៧ វេលាម៉ោង២៤:១៥នាទី
ចំណុច:ផ្ទះសំណាក់យីហោឈ្មោះ ឧត្តុងមហាហេង ភូមិចតុទិស ឃុំវិហារលួង ស្រុកពញាឮ ខេត្តកណ្តាល ។
ជនរងគ្រោះឈ្មោះ យូ សអាត ភេទប្រុស អាយុ៣៤ឆ្នាំ ជនជាតិខ្មែរអ៊ីស្លាម មុខរបរ ជាងធ្មេញ (ជាប្តី)ទីលំនៅភូមិឃ្នង ឃុំអូរឬស្សី ស្រុកកំពង់ត្រឡាច ខេត្តកំពង់ឆ្នាំង ។
ជនសង្យ័យចំនួន២នាក់(ឃាត់ខ្លួន)៖
១-ឈ្មោះ ជុំ សង់ទី ភេទស្រី អាយុ៣០ ឆ្នាំ ជនជាតិខ្មែរអ៊ីស្លាម មុខរបរ (ជាប្រពន្ធ) ទីលំនៅសព្វថ្ងៃ:ភូមិឃ្នង ឃុំអូរឬស្សី ស្រុកកំពង់ត្រឡាច ខេត្តកំពង់ឆ្នាំង។ ទី២ឈ្មោះ សេត អះម៉ាត់ ភេទប្រុស អាយុ៣៤ឆ្នាំ ជនជាតិខ្មែរអ៊ីស្លាម មុខរបរលក់គុយទាវ (ប្រុសស្នេហ៍)ទីលំនៅភូមិព្រៃនីស ឃុំឈូកស ស្រុកកំពង់ត្រឡាច ខេត្តកំពង់ឆ្នាំង ។

សភាពនៃរឿងហេតុ នៅក្នុងអំឡុងឆ្នាំ២០០២ ឈ្មោះ ជុំ សង់ទី ភេទស្រី បានរៀបមង្គលការជាមួយជនរងគ្រោះ បានចុះអាតាស៊ីវិល ជាមួយគ្នាជាប្តីប្រពន្ធ ដោយរួមរស់ជាមួយគ្នាបានកូនស្រីចំនួនពីរនាក់។
នៅដើមឆ្នាំ២០១៦ ជនរងគ្រោះមានការសង្ស័យប្រពន្ធរបស់ខ្លួន មានចិត្តផិតក្បត់ស្នេហាជាមួយបុរសឈ្មោះសេត អះម៉ាត់ ហើយក៏បានតាមដាន ប្រពន្ធរបស់ខ្លួន រហូតដល់ ថ្ងៃខែកើតហេតុខាង ជនរងគ្រោះបាត់ប្រពន្ធពីផ្ទះ ក៏បានតាមរកដោយឃើញនៅផ្ទះសំណាក់យីហោ ឧត្តុងមហាហេង រួចក៏បានមកប្តឹងផ្ទាល់មាត់សមត្ថកិច្ចនគរបាលប៉ុស្តិ៍វិហារលួង ឲ្យជួយអន្តរាគមន៍ ភ្លាមនោះ ជនរងគ្រោះនឹងសមត្ថកិច្វ បានសហការណ៍គ្នាទៅកន្លែងកើតហេតុ ធ្វើការនាំខ្លួន ជនសង្ស័យទាំងពីរនាក់ បញ្ជូនមកអធិការដ្នាននគរបាលស្រុកពញាឮ ដើម្បីសាកសួរ ។

ជនសង្ស័យទាំងពីរនាក់បានឆ្លើយសារភាពថា៖ខ្លួនទាំងពីរនាក់ ពិតជាបានលួចលាក់ស្រលាញ់គ្នា ព្រមទាំងបានរួមភេទជាមួយគ្នាទៀតផង។
ចំពោះករណីខាងលើ នេះកម្លាំងជំនាញ បានឃាត់ខ្លួនជនសង្ស័យទាំងពីរនាក់ កសាងសំណុំរឿង ចាត់ការបន្តតាមនីតិវិធី៕