Post News Media ព័ត៌មានជាតិ អណ្តូងរ៉ែមាសក...

អណ្តូងរ៉ែមាសក្រុមហ៊ុន មេសហ្គូល ដាច់ខ្សែរតធ្លាក់កម្មករ២នាក់ ស្លាប់ក្រោយបញ្ជូនដល់មន្ទីរពេទ្យ

ចែកចាយបន្ត

រតនគិរី: លោកអធិការស្រុកអូយ៉ាដាវ បានប្រាប់Post Newsថា មានករណីដាច់ខ្សែរត ធ្លាក់កម្មក២នាក់ ចូលក្នុងរណ្តៅរ៉ែមាស​ដែលមានជម្រៅ១០ម៉ែត្រ បណ្តាលឲ្យស្លាប់ក្រោយបញ្ជូនដល់មន្ទីរពេទ្យខេត្ត។

ហេតុការណ៍នេះបានកើតឡើងកាលពីវេលាម៉ោង១០និង២៣នាទីព្រឹក ថ្ងៃទី១៣ ខែតុលា ឆ្នាំ២០១៧ ស្ថិតនៅចំណុចក្រុមហ៊ុនមេសហ្គូល ក្នុងភូមិពាក់ ឃុំយ៉ាទុង ស្រុកអូរយ៉ាដាវ ខេត្តរតនគិរី។

សមត្ថកិច្ចបានឲ្យដឹងថា ជនរងគ្រោះដែលស្លាប់ទាំង២នាក់នេះ ទី១មានឈ្មោះ ឆក សារ៉ុម ភេទប្រុស អាយុ២០ឆ្នាំ មានស្រុកកំណើតភូមិកំបាស ឃុំមេម៉ង់ ស្រុកមេមុត ខេត្តត្បូងឃ្មុំ និងជនសង្ស័យទី២ឈ្មោះ ឆក រឹត​ ភេទប្រុស អាយុ១៧ឆ្នាំ មានស្រុកកំណើតនៅភូមិកំបាស ឃុំមម៉ង់ ស្រុកមេមុត ខេត្តត្បូងឃ្មុំ។

ក្រោយកើតហេតុ សាកសពជនរងគ្រោះខាងលើ ត្រូវបានសមត្ថកិច្ចប្រគល់ជូនក្រុមគ្រួសារធ្វើបុណ្យតាមប្រពៃណី៕