Post News Media ព័ត៌មានជាតិ រថយន្ត Nissan...

រថយន្ត Nissan ដឹកទំនិញ បើកបុកម៉ូតូសង់សេ១២៥ របួសធ្ងន់ស្រាល០២នាក់

ចែកចាយបន្ត

កណ្តាល: គ្រោះថ្នាកចរាចរណ៍មួយ រវាងរថយន្ត Nissan ដឹកទំនិញ បើកបុកម៉ូតូសង់សេ១២៥ បណ្តាលឲ្យរងរបួសធ្ងន់ស្រាល០២នាក់ ដែលហេតុការណ៍នេះ បានកើតឡើងកាលពីថ្ងៃទី០៥ ខែវិច្ឆិការ ឆ្នាំ២០១៧ នៅលើផ្លូវជាតិលេខ១ ចន្លោះគីឡូម៉ែត្រលេខ៣២ និង៣៣ ត្រង់ចំណុចភូមិកណ្តាលក្រោម ឃុំបន្ទាយដែក ស្រុកកៀនស្វាយ ខេត្តកណ្តាល។

តាមប្រភពពីនគរបាលចរាចរណ៍ស្រុកកៀនស្វាយ បានឲ្យដឹងថា រថយន្ត Nissan ពណ៌ស្វាយ ប្រភេទដឹកទំនិញធុនតូច ពាក់ស្លាកលេខ ភ្នំពេញ
2E-1280 បើកបរដោយឈ្មោះ អុន អឿន ភេទប្រុស អាយុ៣៤ ឆ្នាំ មានទីលំនៅភូមិព្រែកតាជ័រ ឃុំស្វាយប្រទាល ស្រុកស្អាង ខេត្តកណ្តាល ដោយបើកបរក្នុងទិសដៅពីអ្នកលឿង ទៅភ្នំពេញ លុះមកដល់កន្លែងកើតហេតុខាងលើ បានបែកកាឡេខាងឆ្វេង មកបុកជាមួយម៉ូតូ ម៉ាក HONDA DRAEM សេ១២៥ ពណ៌ខ្មៅ ពាក់ស្លាក លេខភ្នំពេញ 1GO-5822 បើកបរដោយឈ្មោះ ម៉ក់ សុភក្រ័ ភេទប្រុស អាយុ៣៦ឆ្នាំ មានទីលំនៅភូមិអង្កាញ់ ឃុំប្រធាតុ ស្រុកកំពង់ត្របែក ខេត្តព្រៃវែង ដោយឌុបកូន២នាក់ ឈ្មោះមួង ផានីត ភេទប្រុស អាយុ៩ឆ្នាំ និងឈ្មោះមួង សុខនី ភេទស្រីអាយុ៣ឆ្នាំ មានលំនៅភូមិអង្កាញ់ជាមួយគ្នា ដែលបើកក្នុងទិសដៅបញ្ច្រាសគ្នា បណ្តាលឲ្យរបួសធ្ងន់ អ្នកបើកម៉ូតូ ឈ្មោះម៉ក់ សុភក្រ័ (បាក់ជើងឆ្វេង) ត្រូវបានបញ្ជូនទៅមន្ទីរពេទ្យកាល់ម៉ែត និងឈ្មោះមួង ផានីត(បែកក្បាលសន្លប់) បញ្ជូនទៅពេទ្យគន្ធបុប្ផា ចំណែកឈ្មោះមួង សុខនី របួសស្រាល បញ្ជូនទៅព្យាបាល នៅមន្ទីរពេទ្យគន្ធបុប្ផា។

អ្នកបើករថយន្តឈ្មោះ អុន អឿន ត្រូវបានឃាត់ខ្លួន នៅអធិការដ្ឋាននគរបាលស្រុកកៀនស្វាយ ដើម្បីកសាងសំណុំរឿង តាមនិតិវិធី។

មូលហេតុបង្កគ្រោះថ្នាក់នេះ គឺបណ្ដាលមកពីអ្នកបើករថយន្តធ្វេសប្រហែស មិនបានត្រួតពិនិត្យយានយន្តរបស់ខ្លួន ក្រោយកើតហេតុ រថយន្តខូចស្រាល ម៉ូតូខូចធ្ងន់ ត្រូវបានសមត្ថកិច្ចយកមករក្សាទុក នៅអធិការដ្ឋាននគរបាលស្រុកកៀនស្វាយ៕

ចែកចាយបន្ត