Post News Media ព័ត៌មានជាតិ រថយន្ត១ គ្រឿង...

រថយន្ត១ គ្រឿង បើកបុកម៉ូតូ ស្លាប់ និងរបួសធ្ងន់២ នាក់ រួចបើកគេចបាត់ស្រមោល

ចែកចាយបន្ត

កណ្តាល: កាលពីវេលាម៉ោង ២និង៣០នាទីថ្ងៃត្រង់ទី៥ ខែវិច្ឆិការ ឆ្នាំ២០១៧ មានករណីគ្រោះថ្នាក់ចរាចរណ៍មួយ រវាងរថយន្ត និងម៉ូតូ បណ្ដាលឲ្យស្លាប់ និងរបួសធ្ងន់បុរសពីនាក់
តាមបណ្តោយផ្លូវជាតិលេខ៦ ចន្លោះគីឡូម៉ែត្រលេខ ២៣ និង២៤ ស្ថិតក្នុងភូមិលើ ឃុំព្រែកអញ្ចាញ ស្រុកមុខកំពូល ខេត្តកណ្តាល។

នគរបាលចរាចរណ៍ស្រុកមុខកំពូល បានឲ្យដឹងថា រថយន្ត១គ្រឿង មិនស្គាល់ម៉ាក ធ្វើដំណើរពីត្បូងទៅជើង លុះមកដល់ចំណុចកើតហេតុ បានបត់ឆ្វេងទៅទិសខាងលិច បណ្ដាលឲ្យម៉ូតូ មួយគ្រឿង ម៉ាកហុងដា ពណ៌ខ្មៅ ពាក់ស្លាកលេខ កណ្ដាល 1K-5029 បើកបរដោយឈ្មោះ សាវី សៀងហៃ ភេទប្រុសអាយុ២៣ឆ្នាំ មានទីលំនៅភូមិ ឃុំកោះចូរាម ស្រុកខ្សាច់កណ្ដាល ខេត្តកណ្ដាល ដោយមានរួមដំណើរម្នាក់ ឈ្មោះ ម៉ី ទូច ភេទប្រុស អាយុ២១ឆ្នាំ មានទីលំនៅភូមិស្វាយត្បូង ឃុំស្វាយត្បូង ស្រុកស្រីសន្ធរ ខេត្តកំពង់ចាម ដែលធ្វើដំណើរពីត្បូងទៅជើង ហើយបានមកបុករថយន្ត ដែលបត់ឆ្វេង ខាងលើ បណ្ដាលឲ្យស្លាប់ឈ្មោះ សាវី សៀងហៃ នៅកន្លែងកើតហេតុ និង របួសធ្ងន់ឈ្មោះ ម៉ី ទូច ត្រូវបានបញ្ចូនទៅព្យាបាលមន្ទីរពេទ្យកាល់មែត្រ។

ក្រោយពីទទួលព័ត័មានកម្លាំងជំនាញ បានចុះទៅដល់កន្លែងកើតហេតុ ធ្វើការវាស់វែង និងយកម៉ូតូ មករក្សាទុកនៅអធិការដ្ឋាននគរបាល ស្រុកមុខកំពូល រីឯរថយន្តបានបើកគេចខ្លួនបាត់៕

ចែកចាយបន្ត